Landsmótið hafið á Hellu

Landsmót hestamanna hófst á Gaddstaðaflötum við Hellu á Rangárvöllum í gær. Mótið stendur til 4. júlí og er það sextánda í röðinni. Um eitt þúsund manns voru mættir strax í gærmorgun en Landsmótshaldarar búast við um tíu til tólf þúsund gestum. Lárus Dagur Pálsson, framkvæmdastjóri mótsins, segir að áttahundruð hross komi til sýninga og keppi í ár. Það er um 200 færri hross en á síðasta móti. "Við takmörkuðum fjöldann núna þar sem dagskráin var orðin svo löng. Þó erum við viku núna og mótið lengist um einn dag."