Eldur í Kassagerðinni

Eldur kviknaði þegar glussarör sprakk í stórri umbúðapressu í Kassagerðinni við Héðinsgötu um klukkan þrjú í nótt. Slökkviliðið sendi mikið lið á vettvang þar sem verksmiðjuhúsið er stórt og mikill eldsmatur er í því. Eldurinn var þó staðbundinn, þegar komið var á vettvang, og gekk greiðlega að slökkva hann. Hins vegar hafði reykur borist víða um húsakynnin og tók það slökkviliðið heila klukkustund að reykræsta. Fyrir utan skemmdir á pressunnni varð nokkurt tjón vegna reyks.