Íbúar í miðbænum ósáttir

Íbúar við Bergstaðastræti og Spítalastíg í Reykjavík eru ósáttir við fyrirhugaða nýbyggingu sem verður mun hærri en flest íbúðahús á svæðinu. Þeir vilja að skipulagsyfirvöld borgarinnar lengi frest sem íbúar hafa til að gera athugasemdir við deiliskipulag. Gömlu húsin á horni gatnanna eru aðeins 2-3ja hæða en stórhýsið sem er allt að helmingi hærra. Deiluskipulag á tveimur reitum í kringum Bergstaðastræti, Spítalastíg og Bjargarstíg er nú til kynningar. Samkvæmt tillögum skipulags- og byggingarsviðs verður mesta breytingin á bílastæðinu við Bergstaðastræti en þar er búið að teikna stórt hús sem er fjórar og hálf hæð og því mun hærri en gömlu timburhúsin. Skipulagsfulltrúinn í Reykjavík telur hinsvegar eðlilegt að miða hæð hússins við hús hinum megin við Spítalastíginn fremur en gömlu íbúðarhúsin. Íbúar hyggjast gera athugsemdir við þessa ráðagerð en til að byrja með hefur verið óskað eftir að frestur til að skila inn athugasemdum verði framlengdur þar sem margir íbúar séu í sumarfríum. Skipulagsnefnd tekur ákvörðun um það í næstu viku. Önnur athugasemd lýtur að því hvort nauðsynlegt sé að byggja nýtt stórhýsi fremur en að nota samskonar gömul timburhús og eru í hverfinu.