Dómur í Landssímamálinu í dag

Dómur fellur í Landssímamálinu, einu stærsta fjársvikamáli sem upp hefur komist hér á landi, í Héraðdómi Reykjavíkur klukkan 14 í dag. Einn sakborninganna, Sveinbjörn Kristjánsson, fyrrverandi aðalgjaldkeri Landssímans, hefur játaði um 260 milljóna króna fjárdrátt. Hann á sex ára fangelsi yfir höfði sér, nema litið verði til þess að hann hefur verið samstarfsfús við rannsókn málsins. Kristján Ragnar Kristjánsson og Árni Þór Vigfússon eru ákærðir fyrir hylmingu og peningaþvætti þegar þeir tóku við um 150 milljónum króna frá Sveinbirni. Þeir hafa báðir neitað sök.