Metþátttaka í Nordisk Panorama

Tæplega 450 stutt- og heimildarmyndir bárust í keppni Nordisk Panorama kvikmyndahátíðarinnar, og er það metþátttaka. Fjöldi íslenskra mynda sem sendar voru inn var einnig meiri en nokkru sinni fyrr eða um 40. Þetta er í 15. sinn sem hátíðin fer fram en hún er haldin 5. hvert ár á hverju Norðurlandanna. Þegar Nordisk Panorama var haldin í Reykjavík síðast, stóð Dagur Kári Pétursson, nýútskrifaður kvikmyndagerðarmaður, uppi sem sigurvegari í flokknum Besta stuttmynd Norðurlanda 1999. Norræn dómnefnd hefst handa nú í lok vikunnar við að velja myndir í keppnina. Tilkynnt verður um hvaða 50 heimilda- og stuttmyndir komast áfram í keppni Nordisk Panorama, í byrjun júlí. Kvikmyndahátíðin hefst 24. september n.k. og lýkur með því að vinningsmyndirnar verða sýndar almenningi í útibíói í miðbæ Reykjavíkur 29. september.