Eitt brýnasta hagsmunamálið

Þingflokkur Samfylkingarinnar telur það eitt brýnasta hagsmunamál fyrir íslenskar fjölskyldur að ráðist verði í nauðsynlegar stjórnvaldsaðgerðir til að lækka matarverð og bendir á hve þungt slíkar breytingar muni vega fyrir ferðamannaþjónustu í landinu. Samkvæmt nýlegri könnun bresks fyrirtækis er Ísland dýrasta ferðamannaland í heimi og skýrsla Hagfræðistofnunar hefur staðfest Íslendingar búa við eitt hæsta matarverð í Evrópu. Þingflokkur Samfylkingarinnar segir að með vilja stjórnvalda sé hægt að snúa þessari þróun við. Það veki hins vegar athygli að Davíð Oddsson, forsætisráðherra, hafi fjallað um fyrirhugaðar skattalækkanir á kjörtímabilinu í ræðu í Washington og lýst þar fjögurra prósenta lækkun á tekjuskatti og afnámi eignarskatts. Samfylkingin túlkar orð forsætisráðherra á þann veg að ekki virðist því svigrúm til aðgerða til að lækka matarverð.