Feministar gagnrýna orðalag

Feministafélag Íslands gerir athugasemd við fréttaflutning fjölmiðla af eiturlyfjasmygli ungrar konu sem kom til landsins með 5000 e-töflur. Í ályktun frá Heilbrigðishóp félagsins segir að fjölskylduhagir eða ástand konunnar komi málinu ekki við enda væri yfirleitt ekki minnst á hjúskaparstöðu eða barnafjölda karlkyns afbrotamanna í fréttum. Þá væri aldrei talað um hvort þessir afbrotamenn ættu von á börnum eða ekki. Þá bendir hópurinn á að orðið vanfær sé ekki viðeigandi fyrir barnshafandi konur í dag og jafnist á við að kalla samkynhneigðan einstakling kynvilling.