Sterkasti prestur heims

Séra Gunnar Sigurjónsson, prestur í Digraneskirkju, er sterkasti prestur í heimi. Hann sló fyrra heimsmet með því að hnykla vöðvana og lyfta yfir hálfu tonni nú rétt fyrir fréttir. Séra Gunnar byrjaði á því að lyfta 150 kg í hnébeygju, tók síðan 130 kg í bekkpressu og svo gerði hann sér lítið fyrir og snaraði 230 kíló í réttstöðulyftu. Fyrra heimsmet presta átti séra Ante Ledic frá Bosníu. Séra Gunnar sló það rækilega með því að lyfta þessum 510 kg í Kópavoginum í dag og nældi sér þar með í titilinn sterkasti prestur heims. Séra Gunnar var handviss um að sér tækist þetta þegar fréttastofa ræddi við hann eftir fyrstu lotuna. En hvað er það sem prestinn í Digraneskirkju til að fara út í slíkar æfingar? „Ante Ledic, þessi merkilegi Bosníuprestur, skoraði á aðra presta að keppa við sig um titilinn sterkasti prestur heims. Ég tók áskoruninni í þeirri von að varpa svolitlu ljósi á það sem hann er að gera,“ sagði séra Gunnar í samtali við fréttamann Stöðvar 2.