Opið hús fyrir sveitunga

Í tilefni flutninga og sex ára afmælis Götusmiðjunnar verður opið hús fyrir alla sveitunga og fagfólk í geiranum við formlega opnun á Akurhóli, fyrrum Gunnarsholti, Rangárþingi-Ytra við Hellu í dag kl.14. Götusmiðjan hefur rekið sérhæft meðferðarheimili fyrir ungt fólk á aldrinum 15-20 ára síðan 1998. Markmiðið er að aðstoða ungt fólk, sem hefur leiðst út úr hinum hefðbundna samfélagsramma og inn í heim fíkniefna og afbrota, til að fóta sig og koma lífi sínu í jákvæðan farveg.