Vigdís hefði nýtt málskotsrétt

Vigdís Finnbogadóttir, fyrrverandi forseti Íslands, telur að frekar hefði átt að vísa frumvarpi um Kárahnjúkavirkjun til þjóðaratkvæðagreiðslu en fjölmiðlafrumvarpinu. Þetta segir Ómar Ragnarsson í bók sinni "Kárahnjúkar - með og á móti." Þar hefur hann eftir Vigdísi að hún hefði ekki skrifað undir lög um lögleiðingu dauðarefsingar eða afsal á landi, en hvort tveggja er þetta óafturkræft. Í bókinni segir meðal annars: "Það liggur ljóst fyrir að Vigdís hefði ekki undirritað frumvarp um Kárahnjúkavirkjun hefði það verið lagt fyrir hana sem forseta. Þetta hefur hún nú staðfest."