400 manna hverfi að rísa

Framkvæmdir við nýtt fjögur hundruð manna hverfi á Egilsstöðum hefjast um mánaðamótin. Fyrstu íbúðirnar verða tilbúnar næsta vor. Votihvammur, hverfið nýja er í nágranni Eyvindarár norðan núverandi byggðar á Egilsstöðum. Í hádeginu í dag voru undirritaðir samningar á milli Austur - Héraðs og Íslenskra aðalverktaka um byggingu þess. Eiríkur Björgvinsson, bæjarstjóri Austur-Héraðs segir framkvæmdina mjög stóra á mælikvarða þeirra sem að henni koma, enda sé um að ræða rúma 10 hektara og 123 íbúðir. Reyndar verði verkinu skipt í 4 áfanga. Bæjarstjórinn gerir sér vonir um að þetta verði sérlega skemmtilegt íbúðahverfi, en svæðið í grennd býður upp á fjölbreytta útivist. Göngustígar verða lagðir um svæðið og tengdir öðrum stígum á Egilsstöðum. Eiríkur segir Heilmikið að breytast á Egilsstöðum eftir ákvörðun um að reisa stóriðju. Nýjustu tölur sýni að íbúum á Austur- Héraði einu saman hafi fjölgað um 30 það sem af er ári.