Skilur ekki ráðningu þessa manns

Stúlkan sem sakaði föður sinn um kynferðisofbeldi í prófessorsmálinu svokallaða hvetur fórnarlömb í slíkum málum til að kæra þau ekki á meðan Jón Steinar Gunnlaugsson situr í Hæstarétti. Guðrún Lilja Hólmfríðardóttir skrifaði grein í morgunblaðið í gær þar sem hún tjáir sig í fyrsta sinn opinberlega. Faðir hennar var sýknaður af ákæru kynferðislega misnotkun en hafði játað á sig gægjuhneigð fyrir rétti. Hún segir að stuðningur þjóðarinnar þegar mál hennar kom til kasta dómstóla hafi gert henni bærilegra að lifa með þeirri misnotkn og óréttlæti sem hún hafi verið beitt. Hún segir að nú sé búið að koma því þannig fyrir að maður sem meðal annars hafi úthúðað ungri stúlku opinberlega og reynt að ræna hana mannorði sínu sé kominn í æðstu dómarastöðu í íslensku réttarkerfi. Hún bendir á að hann var dæmdur fyrir að valda henni miska og segir að það sé nefnilega þannig að honum nægi ekki að vinna málin sín. Hann verði að kasta skít í aðra og reyna að eyðileggja mannorð þeirra til að upphefja og réttlæta sjálfan sig. Hún segir sitt eina ráð til fórnarlamba og aðstandenda að kæra ekki kynferðislega misnotku. Ekkk nema að gerandinn sé í lágt settur í þjóðfélaginu. Það sé ekki hægt að búast við réttlátri málsmeðferð og dómsniðurstöðu á meðan æðstu ráðamenn þjóðarinnar skipa smenn eins og Jón Steinar sem dómara í hæstarétt fyrst og fremst á pólitískum forsendum. Jón Steinar hóf störf við hæstarétt í dag.