Flugfreyjur ráða sig ekki að nýju

Þrjátíu og fjórar flugfreyjur og flugþjónar hjá Iceland Express sem var sagt upp störfum í gær ætla ekki að þiggja endurráðningu hjá Astraeus, bresku flugrekstrarfélagi. Forsvarsmenn Iceland Express buðu fólkinu endurráðningu á sambærilegum kjörum og áður en með lengri vinnuskyldu og breyttum vaktatíma. Ásdís Eva Hannesdóttir, formaður Flugfreyjufélagsins, segir að félaginu beri skylda til að ganga til viðræðna við Iceland Express um kjarasamning sem rennur út 31. október og það sama eigi við flugfélagið. ,,Það getur ekki ákveðið einhliða að stýra kjörum flugfreyja út af stéttarfélagsmarkaðnum. Svona fyrirtæki ber samfélagslega skyldu." Ásdís segir félagið skekkja samkeppni milli fyrirtækja hér á landi með því að breyta forsendum kjarasamninga. ,,Ég held að allir ættu að hugsa sig tvisvar um áður en þeir versla við svona fyrirtæki sem er tilbúið til að flytja störfin úr landi, hugsanlega bara til að komast hjá því að semja við stéttarfélög.