Minnihlutinn vill úrskurð

Minnihluti bæjarstjórnar í Vestmannaeyjum hefur óskað eftir því við félagsmálaráðuneytið að það úrskurði um lögmæti frestunar bæjarstjórnarfundar þann 16. þessa mánaðar og um lögmæti afgreiðslu miðnæturfundar, sem haldinn var að kvöldi sama dags. Eins og greint var frá á sínum tíma var fundinum frestað vegna þess að Andrés Sigmundsson bæjarfulltrúi var veðurtepptur uppi á landi og komst ekki fyrr en um kvöldið. Andrés styður meirihlutann, en ekki Ásta Halldórsdóttir varamaður hans, þannig að tvísýnt var um afgreiðslu mála og þar með hitamáls í bænum. Minnihlutinn vildi fresta afgreiðslu þess fram yfir helgi, en merihlutinn féllst ekki á það og hélt fundinn um kvöldið, þegar Andrés komst loks með Herjólfi til Eyja. Arnar Sigurmundsson oddivti segir minnihlutann ekki vilja una þessu og því hafi verið leitað ásjár félagsmálaráðuyneytisins. Þrátt fyrir að forsetar bæjarstjórnar hafi völd, sé grundvallaratriði að ná samkomulagi um frestun fundartíma og það sé ekki ásættanlegt að boða fund rétt fyrir miðnætti þegar mikilvæg mál liggi fyrir. Þarna hafi stór mál verið til afgreiðslu og því séu menn ekki sáttir. Arnar segir að yrði fundurinn endurtekinn væri viðbúið að niðurstaðan yrði sú sama. Hins vegar sé það einfaldlega mikilvægt fyrir hagsmuni þeirra sem eru að semja við Vestmannaeyjabæ að gjörningurinn hafi verið lögmætur.