Hátt olíverð hefur minni áhrif hér

Hæsta olíuverð í sögunni hefur viðtæk áhrif, meðal annars hér á landi. Alls hefur olíuverð hækkað um 55% á árinu. Áhrifanna verður vart hér á landi, og ekki bara við bensíndæluna. Útgerðir og aðrir sem þurfa á olíu að halda greiða meira, flutningskostnaður eykst og sá kostnaður streymir að mestu út í verðlag. Matvara og aðrar nauðsynjar geta því hækkað í verðir og allt hefur þetta áhrif á neysluverðsvísitöluna, sem hefur svo áhrif á lán og vexti af þeim. Aaðalhagfræðingur Seðlabankans telur að hagvöxtur verði 0,1-0,2% minni en ella vegna hækkana undanfarið. Áhrifin á vísitölu neysluverð undanfarna tólf mánuði eru að hans sögn þau, að hún hefur hækkað um 0,6%. Arnór Sighvatsson, aðalhagfræðingur Seðlabankans segir að áhrifin verði þó minni hér á landi en annars staðar, enda sé húshitun hér öðruvísi en annarst staðar og raforka hér á landi sé ekki framleidd með olíu. Áhrifin á landsframleiðsluna verði minni hér á landi, þar sem neysla á innfluttri vöru sem hækkar vegna olíuverðs muni dragast saman hér á landi.