Mikill skortur á blóði

Blóðbankinn sendir frá sér neyðarkall því skapast hefur mikil og rík þörf fyrir blóðhluta hjá sjúkrahúsunum vegna sjúkdóma, bráðra veikinda, aðgerða og slysa á síðustu dögum og vikum. Blóðbankinn leggur sérstaka áherslu á að fá virka blóðgjafa í öllum blóðflokkum til að koma og gefa blóð. Þess má geta að þegar Blóðbankinn sendir áskorun af þessu tagi þá eru ríkar ástæður að baki. Opið verður lengur í Blóðbankanum næstu daga til að taka á móti blóðgjöfum - til klukkan fimm í dag og til klukkan sjö annað kvöld.