Þriggja bíla árekstur

Þriggja bíla árekstur varð við Þrengslavegamót í Svínahrauni rétt eftir hádegið í gær. Einn bílanna hafnaði utan vegar og valt í kjölfarið. Ein kona var flutt með sjúkrabíl til Reykjavíkur en hún var þó ekki talin alvarlega slösuð. Tildrög slyssins voru þau að einn bílanna þriggja stöðvaðist skyndilega í vegarkanti. Nokkrir bílar óku hjá án vandkvæða en að lokum var ekið aftan á kyrrstæða bílinn auk þess sem bíllinn sem á eftir kom lenti einnig aftan á hinum tveimur.