Hafnar báðum tilboðunum

Hafnarnefnd Fjarðabyggðar hefur ákveðið að hafna báðum tilboðunum sem bárust í eftirlit með framkvæmdum við álvershöfn að Hrauni við Reyðarfjörð en bæði tilboðin voru langt yfir áætluðum kostnaði. Kostnaðaráætlun vegna verksins var upp á 29,2 milljónir króna en lægra tilboðið, sem kom frá Hniti hf., var upp á 33,5 milljónir króna eða 45 prósentum yfir kostnaðaráætlun. Hitt tilboðið kom frá Verkfræðistofu Stefáns og Braga og hljóðaði upp á 51,8 milljón kr. en það er 126 prósentum yfir áætluðum kostnaði. Hafnarnefnd ákvað hins vegar að ganga til samninga við Hnit hf. um eftirlit með hafnarframkvæmdum á grundvelli kostnaðaráætlunar. Fréttavefur RÚV greinir frá.