Maður stunginn í samkvæmi

Kona er í haldi lögreglunnar eftir að hafa stungið mann í kviðinn í samkvæmi í húsi hennar í Barmahlíð í nótt. Konan hafði áður haft samband við lögregluna og óskað eftir aðstoð hennar við að koma þremur gestum út úr húsinu. Að sögn lögreglunnar hafði töluvert gengið á í samkvæminu. Konan hafði handleggsbrotnað fyrr um kvöldið og fengið aðhlynningu á sjúkrahúsi. Þegar lögreglan kom á heimili hennar til að vísa gestunum út, stakk hún einn þeirra í kviðinn og sagðist vera að hefna sín fyrir handleggsbrotið, að því er lögreglan segir. Maðurinn sem varð fyrir hnífstungunni var fluttur með sjúkrabíl á slysadeild en á þessari stundu er ekki ljóst hversu alvarlega slasaður hann er. Konan er nú í haldi lögreglunnar.