Flugbátur í hnattferð á Íslandi

Flugbátur sem er á leið umhverfis jörðina lenti á Reykjavíkurflugvelli nú síðdegis. Hann er þriggja hreyfla af gerðinni Dornier DO 24. Flugbátar af þessari tegund flugu fyrst árið 1939 og voru einkum notaðir til leitar og björgunar. Flugbáturinn kom hingað til lands frá Skotlandi og heldur vestur um haf á morgun. Tilgangur hnattflugsins er að minnast sams konar flugs fyrir 75 árum en þá flaug Claude Dornier, hönnuður flugvélarinnar, hringinn í kringum jörðina. Flugstjóri í þessari ferð er Irene Dornier, barnabarn Claud´s. Með ferðinni er einnig verið að vekja athygli á starfsemi Barnahjálpar Sameinuðu þjóðanna, en fulltrúi hennar tók á móti áhöfninni við komuna til Reykjavíkur.