Dregið úr samkeppnishæfni Íslands

Dregið hefur úr samkeppnishæfni Íslands. Landið er nú í tíunda sæti yfir samkeppnishæfustu ríki heims og hefur fallið um tvö sæti síðan í fyrra. Þetta kemur fram í árlegu yfirliti World Economic Forum um samkeppnishæfi rúmlega 100 ríkja í heiminum. Efstir á lista trjóna Finnar, þriðja árið í röð. Þar á eftir koma Bandaríkin og Svíþjóð og halda þau sætum sínum frá í fyrra. Þá kemur Tævan, síðan Danmörk, Noregur og Singapúr. Sviss er í áttunda sæti, Japan í því níunda og Ísland er svo í tíunda sæti. Ísland hefur fallið um tvö sæti síðan í fyrra og eru Ísland, Ástralía og Nýja-Sjáland einu ríkin á meðal tuttugu efstu þjóðanna sem hafa fallið um meira en tvö sæti á milli ára. Ísland er þar að auki neðst Norðurlandaþjóða á listanum. Í frétt Stöðvar 2 í gær um samkeppnishæfni þjóðanna var fyrir mistök stuðst við ársgamla skýrslu og er beðist velvirðingar á því.