Borgarstjóri kannar mengun

Þórólfur Árnason, borgarstjóri, hefur falið Umhverfis- og heilbrigðisstofu borgarinnar að fjalla um opið bréf Odds Benediktssonar, prófessors, þar sem kemur fram að losun brennisteinstvíildis á höfuðborgarsvæðinu muni nær tvöfaldast á næstu árum. Munar þar mestu um fyrirhugaða stækkun Norðuráls og Álversins í Straumsvík og byggingu rafskautaverksmiðju við Hvalfjörð. Ef svo fer fram sem horfir verður losunin orðin helmingur af heildarlosun Dana og gæti valdið hættuástandi á höfuðborgarsvæðinu að mati Odds.