Búbót af álaveiðum

Kjartan Halldórsson, fiskverkandi og fisksali í fiskbúðinni Sægreifanum í Reykjavík auglýsir eftir bændum til að veiða fyrir sig ál, að því er frá greinir í nýjasta tölublaði Bændablaðsins. Kjartan segist í viðtali við blaðið greiða allt að 500 krónum fyrir kílóið, auk þess að leggja mönnum til tæki og tólk sem þarf til veiðanna. Hann er sagður hafa samið við fjölda bænda frá Eyjafirði og vestrur um til Hornafjarðar um að veiða fyrir sig og munu dæmi um að bændur hafi fengið allt að 80 kíló af ál í einni vitjun í gildrur. Álinn má veiða frá því snemma á vorin og fram á haust þar til fer að frysta.