Þriggja bíla árekstur

Harður þriggja bíla árekstur varð á hringveginum um Langadal seint í gær. Svo virðist sem fólksbíl sem var á leið frá Blönduósi hafi verið ekið yfir á rangan vegarhelming og lenti hann á jeppa sem kom á móti. Jeppinn hafnaði þá á öðrum jeppa sem kastaðist út af veginum. Ökumaður fólksbílsins var einn í bílnum en tvennt var í jeppanum sem kom á móti. Þau voru öll flutt á Fjórðungssjúkrahúsið á Akureyri en eru þó ekki hættulega slösuð. Veginum var lokað í nær tvær klukkustundir eftir slysið og segir lögregla að vegfarendur hafi sýnt mikla tillitssemi. Allir bílarnir voru fluttir burt á vörubílum. Hægt er að horfa á myndir frá slysstað úr morgunsjónvarpi Stöðvar 2 með því að smella á hlekkinn sem fylgir frétinni.