Engin niðurstaða

Engin niðurstaða fékkst á fundi Bush Bandaríkjaforseta og Davíðs Oddssonar, forsætisráðherra, í dag um framtíð Keflavíkurstöðvarinnarr. Bush vill að Íslendingar taki aukin þátt í kostnaði við Keflavíkurflugvöll. Fundurinn stóð í hálfa klukkustund en ásamt Bush voru á fundinum Colin Powell utanríkisráðherra auk starfsmannastjóra Hvíta hússins. 16 ár eru síðan íslenskur forsætisráðherra hefur setið í skrifstofu Bandaríkjaforseta en árið 1988 kom Þorsteinn Pálsson hingað og ræddi við Ronald Reagan. Bush sagði á blaðamannafundi að Davíð krefðist þess að orrustuþoturnar yrðu áfram á Íslandi. Hann sagði allt koma til greina og hann þyrfti að skoða málið og tala við viðeigandi ráðuneyti áður en hann gerði endanlega upp hug sinn. Þegar blaðamenn höfuð sungið afmælissöngin fyrir forsetann hélt Davíð fund fyrir íslensku fréttamennina. Þar sagði hann að fundurinn hefði verið mjög vel upp settur af hálfu Bandaríkjamanna. Þeir forsetinn hefðu skipst á skoðunum um ýmis mál. Varnarmálin hefðu verið fyrst á dagskrá og vildi Bush að Íslendingar tækju aukinn þátt í rekstri flugvallarins og það væri ekki óvenjuleg krafa.