Kvótinn 220 þúsund tonnum minni

Hafrannsóknastofnun leggur til að loðnukvótinn á sumar- og haustvertíðinni verði aðeins 335 þúsund tonn, sem er 220 þúsund tonnum minni upphafskvóti en í fyrra. Miðað við að úthluta strax tveimur þriðju af kvótanum og að Norðmenn, Grænlendingar og Færeyingar fái sína hlutdeild samkvæmt samningum, verður upphafskvóti íslensku skipanna aðeins hundrað þúsund tonn. Í góðri veiði næðu íslensku loðnuskipin að veiða þann afla á nokkrum dögum. Hagsmunahópar vonast hinsvegar til að kvótinn verði aukinn í kjölfar loðnuleitar í haust, en það er þó ekki fast í hendi.