Flutt til Hafnarfjarðar

Ákveðið hefur verið að fjarlægja þriggja metra háa eftirlíkingu af majónesdós sem sett var upp við Suðurlandsveg rétt vestan Þjórsár í lok síðasta mánaðar samkvæmt yfirlýsingu frá Gunnar Majones. Gunnars Majones setti upp dósina í landi eigenda fyrirtækisins í Villingaholtshreppi í auglýsingaskyni. Þeim ber ekki saman við sýslumanninn á Selfossi um hvort leyfi fyrir uppsetningunni hafi verið veitt. Því ákváðu forsvarsmenn fyrirtækisins að láta fjarlægja eftirlíkinguna og flytja hana að höfuðstöðvum fyrirtækisins í Hafnarfirði að því er fram kemur í yfirlýsingunni.