Tillögur að þjóðarblómi kynntar

Tuttugu tillögur að þjóðarblómi verða kynntar í Árbæjarsafninu í Reykjavík í dag. Fyrir nokkru var lýst eftir tilnefningum við góðar undirtektir en þetta er niðurstaða þeirrar vinnu. Í Árbæjarsafni verður einnig kynntur nýr bæklingur sem kynnir „frambjóðendur“ í máli og myndum. Bæklingnum verður dreift í þjónustustöðvum Olís í sumar. Tilgangur leitinnar að þjóðarblóminu er að komast að því hvort tilgreina megi blóm sem gæti haft táknrænt gildi og sem þjónaði hlutverki sem sameiningartákn. En jafnframt er markmið verkefnisins að skapa umræður um blóm og gróður til að auka samstöðu um gróðurvernd.