Sýning tileinkuð íslenska hestinum
Ljósmynda- og minjasýning, tileinkuð íslenska hestinum, verður opnuð á Hellu á morgun. Myndirnar eru úr bókinni Íslenski hesturinn, stærsta yfirlitsriti sem út hefur komið um íslenska hestinn. Gripir sem tengjast reiðmennsku og hestamennsku hafa verið fengnir að láni frá byggðasöfnum. Sýningin er sett upp í tilefni af Landsmóti íslenskra hestamanna sem haldið er á Hellu dagana 28. júní til 4. júlí, stærstu hátíð hestamanna hérlendis. Til landsmóts koma yfir 10.000 gestir víðs vegar að úr veröldinni.
