Staðfestir að fallið sé frá lögum

Fundi allsherjarnefndar er lokið. Bjarni Benediktsson, formaður nefndarinnar, rakti niðurstöður hans fyrir fréttamönnum, og var þar í fyrsta skipti staðfest opinberlega að fallið yrði frá lögum um takmarkanir á eignarhaldi fjölmiðla. Bjarni kvaðst vona að hægt yrði að taka málið upp, þegar þing kemur aftur saman í haust. Þingflokkarnir eru að koma saman til fundar, núna klukkan fjögur, til þess að ræða hina nýju stöðu, í málinu. Alþingi kemur svo saman á morgun og verður þá væntanlega gengið formlega frá afturköllun fjölmiðlafrumvarpsins.