Fiskneysla minnkað um helming

Fiskneysla Íslendinga er ekki eins mikil og talið var segir í tilkynningu frá Lýðheilsustöð. Þar segir að í fréttum sjónvarps og útvarps þann 13. júlí hafi verið greint frá fiskneyslu nokkurra þjóða og þar vísað í upplýsingar frá Matvæla og landbúnaðarstofnun Sameinuðu þjóðanna, FAO. Þar kom fram að fiskneysla Íslendinga væri mest í heimi fyrir utan eyjaskeggja á Madíveyjum. Lýðheilsustöðin telur þessa niðurstöðu ranga þar sem tölu FAO byggja ekki á nýjum upplýsingum eða áreiðanlegum gögnum. Nýrri innlendar tölur bæði frá Manneldisráði og Hagstofu sýni að fiskneysla hefur minnkað verulega hér á landi undanfarin ár og er nú helmingi minni en tölur FAO gefa til kynna. Í könnun Manneldisráðs á mataræði Íslendinga frá árinu 2002 hafi Íslendingar borðað að meðaltali 40 grömm af fiski á dag, sem samsvarar um 44 kg af heilum fiski með beinum og roði á ári, og samsvarandi tala frá Hagstofu sé 47 kg á ári. Það sé því ljóst að upplýsingar FAO um 90 kg af fiski á hvert mannsbarn á ári fái ekki staðist.