Tíu innbrotavarnarráð lögreglu

Lögreglan í Reykjavík leggur til að fólk sem fer ekki út úr bænum um verslunarmannahelgina flytji þvott á milli snúra og leggi í bílastæði nágranna sinna til að villa um fyrir þjófum og koma í veg fyrir innbrot. Standi þvottur í marga daga sýnir það að fólk er ekki heima. Því er öruggara að flytja þvott á milli snúra. Lögreglan í Reykjavík höfðar til nágrannavörslu um helgina og bendir á að þeir sem séu heima geti hreyft til hluti fyrir þá sem eru í fríi. Geir Jón Þórisson, yfirlögregluþjónn í Reykjavík, bendir til dæmis á að ef skilið sé eftir ljós í forstofu sé hægt að fá einhvern til að slökkva ljósið eftir einhvern tíma og kveikja það annars staðar. Sjaldgæft sé að allir fari úr hverfinu á sama tíma Tíu innbrotavarnarráð lögreglunnar eru þessi: Ganga verður tryggilega frá hurðum og gluggum, ekki skilja eftir varalykil á vafasömum stað, hafða þvott á snúrunni og fá nágranna til að nota bílastæði, skilja útvarp eftir í gangi, hæfilega hátt stillt þó. Hafða ljósin kveikt, ekki lesa inná símsvarann "ég er í fríi" og flytja á hringingu yfir í farsímann. Síðan skal láta einhven taka póstinn sinn, koma dýrmætum hlutum fyrir á öruggum stað, skrá aðra dýrmæta og hluti og taka mynd af þeim. Síðast en ekki síst er gott að slá blettinn svo óslegið grasið komi ekki upp um tómt húsið.