Heiðar og Brynjar skoruðu

Íslensku landsliðsmennirnir Heiðar Helgusson og Brynjar Björn Gunnarsson björguðu stigi fyrir lið sitt, Watford, er það sótti Derby heim í ensku 1. deildinni í dag. Heiðar kom Watford yfir með skalla á 40. mínútu en Derby menn jöfnuðu og komust yfir með marki Peschisolido á 73. mínútu. Brynjar Björn jafnaði svo leikinn átta mínútum fyrir leikslok. Mörk þeirra félaga tryggðu þannig að Derby slyppi ekki langt fram úr þeim, en nú getur Watford komist fram úr Derby þar sem liði á leik til góða. Watford er sem stendur í níunda sæti deildarinnar með 25 stig. Ívar Ingimarsson og félaga í Reading unnu mikilvægan sigur á Íslendingaliðinu Stoke með einu marki gegn engu. Ívar lék allan leikinn í vörn Reading, en liðið heldur í við toppliðin með 34 stig í þriðja sæti deildarinnar.