Lífið

Söngvaborg í hundrað þúsund eintökum

„María Björk [Sverrisdóttir] nefndi þessa tölu við mig fyrir skemmstu og ég trúði henni ekki. Ég hringdi því í hana aftur um daginn og þá voru hún og framleiðandinn okkar nýbúin að fara yfir tölurnar og þetta er víst rétt. Diskarnir fimm hafa selst í um hundrað þúsund eintökum,“ segir Sigríður Beinteinsdóttir, söngkona og söngkennari.

Lífið

Prinsessan pen í grænu

Vilhjálmur Bretaprins og eiginkona hans Kate Middleton spjölluðu við fjölmiðlafólk í Bickingham höllinni í gær...

Lífið

Tökum lokið á Batman

Leikarinn Christian Bale hefur leikið ofurhetjuna Batman í síðasta sinn. Tökum er lokið á þriðju og síðustu Batman-myndinni sem Bale gerir í samstarfi við leikstjórann Christopher Nolan, en saman hafa þeir endurvakið vinsældir leðurblökumannsins.

Lífið

Tvö þúsund kynningareintök

Harper Collins, útgefandi Ólafs Jóhanns Ólafssonar í Bandaríkjunum, lét prenta tvö þúsund kynningareintök af nýjust bók rithöfundarins, Málverkinu. Eintökunum er dreift til fjölmiðla og blaðamanna, eigenda bókabúða og annarra sem málið varðar en eftir því sem Fréttablaðið kemst næst er þetta töluverður fjöldi en til samanburður má geta þess að meðalupplagið að íslenskri bók er tvö þúsund eintök.

Lífið

Hljómskáladrengir í Eurovision

"Við fáum frjálsar hendur við að spyrja keppendur í Eurovision spjörunum úr, um lífið og tilveruna. Ég er allavega ekki að fara verða Ragnhildur Steinunn,“ segir Guðmundur Kristinn Jónsson, oftast nefndur Kiddi í Hjálmum. Hann og Bragi Valdimar Skúlason, Hljómaskáladrengirnir svokölluðu, hafa verið fengnir til að sjá um kynningar á lagahöfundum Söngvakeppni Sjónvarpsins. Fimmtán lög keppa um farseðilinn til Aserbaídsjan þar sem lokakeppnin fer fram í höfuðborginni Bakú en ákveðið hefur verið að hafa þrjár undankeppnir þar sem þjóðin kýs áfram tvö lög hverju sinni.

Lífið

Greinilega gaman hjá þessu liði

Tónlistarveitan Gogoyoko hefur skipulagt tónleikaröð undanfarna mánuði sem ber yfirskriftina Gogoyoko Wireless. Í vikunni fóru fram tónleikar með Ólafi Arnalds sem hefur varkið verðskuldaða athygli erlendis...

Lífið

Q yngri en 007 í fyrsta skipti

Ben Whishaw hefur verið ráðinn í hlutverk Q í næstu mynd um njósnarann James Bond, Skyfall. Wishaw er 31 árs og verður þetta því í fyrsta sinn sem Q er yngri en 007, sem hinn 43 ára Daniel Craig leikur.

Lífið

Nói verður ástarbréf til Íslands

Bandaríski kvikmyndaleikstjórinn Darren Aronofsky hefur hug á því að taka upp stóran hluta af kvikmynd sinni um örkina hans Nóa hér á landi. Hann vill taka myndina á stöðum sem ekki hafa verið notaðir í kvikmyndum.

Lífið

Listakonur heiðraðar

Meðfylgjandi myndir voru teknar á föstudag þegar Rakel McMahon myndlistarkona, Hildur Yeoman fatahönnuður og Saga Sig tískuljósmyndari voru heiðraðar á listakvöldi Baileys. Þær fengu 100 þúsund króna styrk hver...

Lífið

Blóðugt myndband Benna

"Ég hef ekki alveg fylgst með því hvað er satt og rétt í því,“ segir tónlistarmaðurinn Benedikt Hermann Hermannsson spurður hvort blóðugt myndband hans við lagið FF ekki CC hafi verið bannað á Youtube, enda finnst það ekki á síðunni.

Lífið

Enn má gerast hestamaður

Þetta er hugmynd sem byggir á eldri bók sem hét sama nafni og Bændasamtökin gáfu út um árabil,“ segir Hulda G. Geirsdóttir sem situr í ritstjórn bókarinnar Hrossaræktin 2011 sem út kom nýverið. „Í nokkur ár hefur þó ekki komið út neitt ársrit um hestamennskuna þar sem greint er frá því sem hæst bar á yfirstandandi ári og margir hafa saknað þess að fá ekki árbók með alls konar skemmtilegu efni til að fletta upp í.“

Lífið

Býður starfsfólki í kalkún

Söngkonan Rihanna gerir vel við starfsmenn sína, en hún bauð í stóra þakkargjörðarmáltíð á bar í Dublin í gærkvöldi. Rihanna er á tónleikaferðalagi og vorkenndi starfsmönnum sínum fyrir að vera frá fjölskyldunni yfir hátíðina, en starfslið söngkonunnar telur á yfir 100 manns.

Lífið

Léttsveit Reykjavíkur í Hörpu

Léttsveitin undir stjórn Jóhönnu V. Þórhallsdóttur, hélt árlega aðventutónleika, Með eld í æðum, í Eldborgarsal Hörpu í gær fyrir troðfullu húsi...

Lífið

Framtíðin er runnin upp

Danstónlistarþátturinn Skýjum ofar er fimmtán ára um þessar mundir. Haldið verður upp á afmælið með tónleikum á Barböru. Arnþór Snær Sævarsson stjórnaði Skýjum ofar ásamt Eldari Ástþórssyni og saman ætla þeir að spila jungle- og drum&bass-tónlist eftir Goldie, Roni Size, Squarepusher og fleiri. Þeir héldu á sínum tíma Skýjum ofar-kvöld á 22 þar sem stemningin var jafnan mikil og dansinn dunaði.

Lífið

Náði í samning hjá einni fremstu umboðsskrifstofu heims

Edda Óskarsdóttir, 18 ára menntaskólamær, er komin á samning hjá Select í Bretlandi. "Ég átti nú alls ekki von á þessu og fannst þetta satt best að segja lengi vel ótrúlegt. Fyrst núna er að renna upp fyrir mér að draumurinn er orðinn að veruleika,“ segir Edda en Select er talin vera ein sú fremsta í heimi og hafa frægar fyrirsætur og leikarar á borð við Siennu Miller, Stellu Tennant, David Gandy og Danny Beauchamp verið á samningi hjá henni.

Lífið

Sögunni sem varð að segja fagnað

Meðfylgjandi myndir voru teknar þegar útgáfu ævisögu Ingimars H. Ingimarssonar eftir Þorfinn Ómarsson var fagnað í Eymundsson, Austurstræti. Fjöldi mætti til að gleðjast með þeim félögum...

Lífið

Fær hlutverk í Dog Fight

John Lithgow hefur bæst við stjörnum prýtt leikaralið gamanmyndarinnar Dog Fight. Tökur á myndinni eru hafnar og annast Jay Roach leikstjórnina. Hann á að baki grínsmelli á borð við Meet the Parents og Austin Powers-myndirnar.

Lífið

Myndir frá opnun Lady Gaga-búðarinnar

Söngkonunni Lady Gaga er margt til lista lagt, en hún opnaði á dögunum búð í Barneys-verslunarmiðstöðinni í New York. Frægir flykktust á opnunina og mátti þar sjá mörg stærstu nöfnin í tísku-og skemmtanabransanum.

Lífið

Þriðju barnabók Hendrikku fagnað

Skartgripahönnuðurinn og rithöfundurinn Hendrikka Waage fagnaði útgáfu bókarinnar Rikka og töfrahringurinn í Japan í vikunni. Bókin er sú þriðja í seríunni um stúlkuna Rikku og töfrahringinn hennar. Ungir sem aldnir gestir mættu í boðið og fengu að fletta nýju barnabókinni.

Lífið

Þakkar unnustanum

Leik- og söngkonan Jennifer Hudson þakkar unnusta sínum, David Otunga, fyrir að hafa bjargað lífi sínu. Hudson hefur gengið í gegnum erfiða tími eftir að móðir hennar og bróðir voru myrt á heimili sínu í Chigago í fyrra, en hún hefði einnig verið á staðnum þennan dag ef ekki væri fyrir unnustann. „Það bjargaði lífi mínu að David bað mig um að koma til sín í Flórída einmitt þennan dag, annars hefði ég verið heima hjá mömmu og líklega ekki á lífi í dag,“ segir Hudson í viðtali við blaðið Ebony, en þetta er í fyrsta sinn sem söngkonan talar um atburðina.

Lífið

Nýtísku sushi og vatnsmelónufranskar

„Við ætlum að bjóða upp á nýtískulegt sushi sem er að slá í gegn út um allan heim ásamt suðrænum steikum,“ segir Gunnsteinn Helgi einn af eigendum nýs veitingarstaðar sem nefnist Sushisamba.

Lífið

Mátti ekki lita hárið

Kate Beckinsale mátti ekki lita á sér hárið þegar hún var yngri. Móðir hennar, sjónvarpsleikkonan Judy Loe, var ströng þegar þetta umræðuefni var annars vegar og vildi hafa háralitinn náttúrulegan. „Mamma var mjög á móti því að ég litaði hárið mitt. Ég var alltaf stelpan sem mátti það ekki,“ sagði breska leikkonan. „Mamma hefði aldrei gefið mér bíl. Við þurftum alltaf að vinna fyrir slíku,“ bætti hin 38 ára Beckinsale við. Á meðal næstu kvikmynda hennar eru hin hálfíslenska Contraband og hasar-endurgerðin Total Recall.

Lífið

Pálmi í læri hjá Jóni Ársæli

Þeir Spaugstofumenn með Pálma Gestsson í fararbroddi hafa í vikunni dvalið á heimili Jóns Ársæls Þórðarsonar að Litla-Skipholti í Reykjavík. Þar hefur Pálmi reynt að líkjast húsbóndanum, Jóni Ársæli, sem allra mest til að taka hann almennilega fyrir í Spaugstofunni.

Lífið

Frumleg afmælisgjöf

Leikkonan Katherine Heigl fékk frumlega afmælisgjöf frá eiginmanni sínum, tónlistarmanninum Josh Kelley, en hann fékk sér húðflúr til heiðurs henni og dóttur þeirra. Heigl lýsir því yfir á Twitter-síðu sinni að gjöfin sé sú rómantískasta sem hún hafi fengið, en húðflúrið er á handlegg Kelley með mynd af sameiginlegu stjörnumerki mæðgnanna og fæðingardögum þeirra.

Lífið

Finnst tískusýningar leiðinlegar

Leikkonan Chloë Sevigny viðurkennir að hún hafi ekki mikinn áhuga á tísku og leiðist að fara á tískusýningar. Þessi ummæli Sevigny koma nokkuð á óvart þar sem leikkonan er þekkt fyrir fatastílinn og er gjarnan talin ein af helstu tískufyrirmyndum í heimi.

Lífið

Barnabók Bergljótar

"Mig langaði að gera bók sem fræðir börnin um íslensku húsdýrin og sýnir hversu mikilvæg þau eru fyrir samfélagið," segir Bergljót Arnalds, rithöfundur og söngkona, sem hélt útgáfuhóf í Iðnó í tilefni af útkomu barnabókarinnar Íslensku húsdýrin og Trölli. Bergljót og krakkar skelltu sér á hestbak og brugðu á leik eins og sjá má á myndunum.

Lífið

Dreymir um að fara á skíði

Britney Spears segir að draumafríið sitt sé skíðaferð með sonum sínum og kærasta. Poppsöngkonan viðurkennir í viðtali við blaðið Stylist að hæfileikar hennar í brekkunum séu takmarkaðir en hún vilji gjarnan læra. „Það væri yndislegt að fara í frí í snjóinn og drekka heitt súkkulaði með strákunum mínum.“ Spears viðurkennir einnig að hana langi stundum til að fara í dulargervi og fara út að borða óáreitt.

Lífið

Mest lesið