Hættur að borða Subway

Neil Patrick Harris, stjarna þáttanna How I Met Your Mother, segist elska að búa með kokki.

Kærasti Harris heitir David Burtka og árið 2009 hætti hann kvikmyndaleik til að læra matreiðslu. Harris segist sjálfur vera vonlaus kokkur og aldrei hafa getað eldað einföldustu máltíðir. Hann hafi því lifað á Subway-samlokum og hamborgurum þar til Burtka gerðist kokkur, en hann eldar panini og japanskt kobe-nautakjöt ofan í sinn heittelskaða.

Harris og Burtka hafa verið saman í sjö ár og eiga saman tvíburana Gideon og Harper.