Erlent

Bandaríkjamenn styðja stofnun Palestínuríkis

Bandaríkjamenn eru reiðubúnir að styðja stofnun sjálfstæðs Palestínuríkis. Þetta kom fram í máli Condoleezza Rice, utanríkisráðherra Bandaríkjanna,í Ísrael í gær. Sagði hún ennfremur að aðeins með stofnun sjálfstæðs palestínuríkis sé hægt að tryggja frið fyrir botni Miðjarðarhafs.

Erlent

Pútin fer til Írans í fyrramálið

Pútin Rússlandsforseti ætlar að fara til Írans í fyrramálið, þó að njósnir hafi borist um að þar verði setið um líf hans. Pútin var í Þýskalandi í dag og búist var við að hann færi til Írans í kvöld. Því var þó frestað til morguns.

Erlent

Bíll Díönu gæti hafa lent í árekstri

Bíllinn sem Díana prinsessa var í þegar hún lést gæti hafa rekist á annan stóran og dökkan bíl þegar hann keyrði inn göngin í París. Þetta eru upplýsingar vitna við réttarrannsókn á dauða Díönu og Dodi Fayed.

Erlent

"Ruglaði" barnaníðingurinn í Taílandi

Alþjóðalögreglan Interpol telur sig hafa fundið barnaníðing sem birti myndir á internetinu af sjálfum sér þar sem hann misnotaði ung börn í Kambodíu og Víetnam. Maðurinn er talinn vera breskur enskukennari sem nú er í Taílandi. Hann hafði ruglað andlit sitt, en Interpol beitti sömu aðferð til að afrugla andlit hans.

Erlent

Hrukkukrem virka ekki

Árum saman hefur fólk trúað því að dýru fínu hrukkukremin væru betri en þau ódýru. Það er rangt, ef marka má nýlega rannsókn í Svíþjóð.

Erlent

A380 afhent

Evrópski flugvélaframleiðandinn Airbus afhenti Singapore Airlines í morgun fyrstu A380 risaflugvélina. Framleiðsla á vélinni hefur verið langt frá því átakalaus.

Erlent

Óvíst um för Pútins til Írans

Rússneskir embættismenn segjast nú vera óvissir um hvort Pútin forseti haldi sig við fyrirhugaða heimsókn til Írans. Pútin er núna í Þýskalandi, þar sem hann hefur verið að ræða við Angelu Merkel kanslara.

Erlent

Hvernig er að deyja?

Flest okkar hafa líklega velt því fyrir sér hvernig það sé að deyja. Vísindamenn hafa nú rannsakað málefnið og upplýst bæði ógnvekjandi og heillandi staðreyndir um dauðann. Í nýjasta tölublaði tímaritsins New Scientist birtist niðurstaða hóps vísindamanna um mismunandi upplifun á því að komast yfir móðuna miklu, allt frá því að vera brenndur lifandi til þess að vera hálshöggvinn.

Erlent

Þrír fá Nóbelsverðlaun í hagfræði

Bandaríkjamennirnir Leonid Hurwicz, Eric Maskin og Roger Myerson fá Nóbelsverðlaunin í hagfræði í ár. Frá þessu greindi sænska nóbelsakademían í morgun. Verðlaunin fá þremenningarnir fyrir að hafa lagt grundvöllinn að kenningu um kerfisskipulagningu markaða.

Erlent

Báturinn er bambusstöng

Ný vatnsíþróttagrein hefur litið dagsins ljós í Kína en það er sigling á bambusstöng. Það voru íbúar í þorpinu Chishui, nálægt borginni Zuity, sem fundu þessa íþróttagrein upp og æfa sig í henni á Pinzhou ánni.

Erlent

Réttað yfir hryðjuverkamönnum í Belgíu

Réttarhöld yfir sex einstaklingum sem eru sakaðir um hryðjuverkastarfsemi hófust í Brussel í Belgíu í dag. Hópurinn er talinn tengjast sjálfsmorðssprengjuárásum í Írak og er fólkið ennfremur sakað um að hafa notað Belgíu sem þjálfunarmiðstöð fyrir samtök herskárra múslima.

Erlent

Bauð upp á myglaðan og útrunninn mat

Eigandi veitingahúss í bænum Haderslev í Danmörku fékk þann vafasama heiður í gær að greiða eina hæstu sekt sögunnar þar í landi fyrir óhreinlæti. Maturinn sem var á boðstólnum var ekki talinn hæfur til manneldis.

Erlent

Svíar bestir í að hjálpa innflytjendum

Svíar standa sig best í því að hjálpa innflytjendum að koma sér fyrir í hinu nýja samfélagi en Lettar verst. Þetta kemur fram í nýrri rannsókn sem Evrópusambandið lét gera.

Erlent

Forseti Kína sakar embættismenn um spillingu

Kínverski kommúnistaflokkurinn hefur brugðist væntingum kínverja að mati Hu Jintao, forseta Kína. Þetta kom fram í ræðu forsetans á sautjánda flokksþingi kínverska kommúnistaflokksins í Peking í gær.

Erlent

Þrjátíu láta lífið í sprengingu á Indlandi

Að minnsta kosti þrjátíu létu lífið eftir að sprengja sprakk í kvikmyndahúsi í Punjab héraði á Indlandi í gær. Mörg hundruð manns voru í kvikmyndahúsinu og greip um sig mikil skelfing þegar sprengjan sprakk.

Erlent

Ferðamenn drukknuðu í tælenskum helli

Sex evrópskir ferðamenn voru meðal átta manna sem létu lífið í Tælandi í dag þegar vatn flæddi skyndilega inn í helli sem þeir voru að skoða. Bresk kona komst lífs af.

Erlent

Tilræði við Pútín í undirbúningi?

Rússneska leyniþjónustan hefur fengið viðvörun um að reynt verði að ráða Vladimir Pútín, forseta Rússlands, af dögum í fyrirhugaðri heimsókn hans til Írans næstkomandi þriðjudag.

Erlent

Stuðningur við íhaldsmenn ekki verið meiri í 15 ár

Gordon Brown á ekki sjö dagana sæla þessa dagana. Hann tilkynnti nýverið að ekki yrði boðað til kosninga í haust og túlkuðu gagnrýnendur það á þann vega að hann væri ekki nógu afgerandi stjórnmálamaður. Íhaldsmenn voru fljótir til að segja að forsætisráðherrann þyrði einfaldlega ekki í kosningar þar sem hann væri ekki viss um sigur. Ef sá ótti var fyrir hendi virðist hann hafa átt við nokkur rök að styðjast, ef marka má nýja könnun í Sunday Telegraph þar sem Íhaldsflokkurinn í Bretlandi nýtur stuðnings 43 prósenta. Þetta er besti árangur flokksins í heil 15 ár.

Erlent

Ráðist á forseta Þýskalands

Forseti Þýskalands Horst Koehler varð fyrir árás í dag þegar hann kom af verðlaunaafhendingu á bókamessunni í Frankfurt. 44 ára gamall maður frá Rúmeníu sem búsettur er í Þýskalandi vatt sér að forsetanum og greip í jakkaboðunga hans áður en lífverðir forsetans náðu að yfirbuga hann.

Erlent

Mest lesið