Enski boltinn

Ji-sung Park fékk nýjan samning hjá Manchester United

Ji-sung Park, kóreski miðjumaðurinn hjá Manchester United, hefur skrifað undir nýjan samning hjá félaginu sem mun halda honum á Old Trafford til ársins 2013.

Enski boltinn 12.8.2011 16:45

Evra tæpur fyrir leikinn gegn West Brom - Chicharito ekki með

Patrice Evra, vinstri bakvörður Manchester United, er tæpur fyrir viðureign Englandsmeistaranna gegn West Brom á sunnudag. Evra meiddist á hné í 3-2 sigrinum á Manchester City í Samfélagsskildinum.

Enski boltinn 12.8.2011 16:00

Hargreaves með tilboð í höndunum frá WBA

Owen Hargreaves, landsliðsmaður Englands í knattspyrnu, stendur til boða samningur hjá West Brom í ensku úrvalsdeildinni. Hargreaves, sem glímt hefur við meiðsli undanfarin ár, fékk ekki nýjan samning hjá Manchester United í vor.

Enski boltinn 12.8.2011 12:15

Enrique í skýjunum með að hafa samið við Liverpool

Spánverjinn Jose Enrique skrifaði í dag undir langtímasamning við enska úrvalsdeildarfélagið Liverpool. Óhætt er að segja að Enrique sé í skýjunum með að vera kominn á Anfield.

Enski boltinn 12.8.2011 11:00

Fabregas og Nasri hvorugur í hópi Arsenal á morgun

Arsene Wenger hefur hvorki valið Cesc Fabregas né Samir Nasri í leikmannahóp Arsenal sem mætir Newcastle á St. James' Park á morgun. Franski knattspyrnustjórinn segir það þó eiga sér eðlilegar skýringar.

Enski boltinn 12.8.2011 10:45

Liverpool sækir Exeter heim í deildabikarnum

Í gær var dregið í 2. umferð í enska deildabikarnum í knattspyrnu. Ellefu úrvalsdeildarlið komu inn í umferðina, þar á meðal Liverpool sem sækir Exeter heim.

Enski boltinn 12.8.2011 09:02

Úttekt BBC: Engin hefur búið til fleiri færi en Fabregas

David Ornstein, blaðamaður á BBC, skrifaði í dag grein á heimasíðu BBC, þar sem að hann fór yfir það hversu mikið Cesc Fabregas hefur gert fyrir Arsenal-liðið á undanförnum fimm árum. Mikilvægi Fabregas sést þar vel, bæði á gengi Arsenal án hans sem og á hversu mörg færi hann skapar fyrir liðsfélaga sína.

Enski boltinn 11.8.2011 23:30

Wenger: Framtíð Cesc Fábregas mun ráðast mjög fljótlega

Arsene Wenger, stjóri Arsenal, segir að framtíð Cesc Fábregas muni ráðast mjög fljótlega. Franski stjórinn tjáði sig um stöðu mála á heimasíðu Arsenal í kvöld.

Enski boltinn 11.8.2011 21:40

Dönsku blöðin: Bendtner eins og gamall ryðgaður bíll

Nicklas Bendtner var ekki að heilla danska blaðamenn með frammistöðu sinni með danska landsliðinu á móti Skotlandi í gær en Danir töpuðu leiknum 1-2.

Enski boltinn 11.8.2011 20:30

Aðrir leikir en viðureign Tottenham og Everton fara fram

Enska úrvalsdeildin hefur sent frá sér tilkynningu þar sem fram kemur að allir leikir ensku úrvasldeildarinnar um helgina, utan viðureignar Tottenham og Everton, fari fram.

Enski boltinn 11.8.2011 15:37

Bolton í viðræðum við City um kaup á Wright-Phillips

Owen Coyle, knattspyrnustjóri Bolton, hefur staðfest viðræður félagsins við Manchester City um vistaskipti kantmannsins Shaun Wright-Phillips. Vikulaun Wright-Phillips hjá Manchester City eru hærri en Bolton eru tilbúnir að greiða. Þar stendur hnífurinn í kúnni.

Enski boltinn 11.8.2011 12:15

Gerrard flottastur að mati samkynhneigðra - United flottasta liðið

Steven Gerrard leikmaður Liverpool er flottasti leikmaður ensku úrvalsdeildarinnar að mati samkynhneigðra knattspyrnuáhugamanna. Gerrard vann reyndar tvöfalt þar sem fótleggir hans voru einnig valdir þeir fallegustu.

Enski boltinn 11.8.2011 11:30

Enrique á leið í læknisskoðun hjá Liverpool

Enskir vefmiðlar greina frá því að Liverpool og Newcastle hafi komist að samkomulagi um kaupverðið á vinstri bakverðinum Jose Enrique. Talið er að kaupverðið sé sex milljónir punda eða sem nemur rúmum milljarði íslenskra króna.

Enski boltinn 11.8.2011 10:45

Viðureign Tottenham og Everton frestað - óvíst með aðra leiki

Tekin hefur verið ákvörðun að fresta viðureign Tottenham og Everton sem fram átti að fara á White Hart Lane í Lundúnum um helgina. Hvort aðrir leikir fyrstu umferðar ensku úrvalsdeildinnar fari fram á fyrirhuguðum tíma á eftir að koma í ljós.

Enski boltinn 11.8.2011 10:17

Dalglish vonast eftir góðri hegðun stuðningsmanna Sunderland

Kenny Dalglish, knattspyrnustjóri Liverpool, segir ástæðulaust fyrir stuðningsmenn Sunderland að baula á Jordan Henderson. Líklegt er að Henderson, sem gekk til liðs við Liverpool frá Sunderland í sumar, verði í liðinu á Anfield á laugardag.

Enski boltinn 11.8.2011 09:38

Grétar Rafn: Deildin hefur aldrei verið sterkari

Grétar Rafn Steinsson er að hefja sitt fjórða heila keppnistímabil með Bolton í ensku úrvalsdeildinni. Hann segir Bolton með sterkt byrjunarlið en að félagið þurfi fleiri leikmenn. Grétari líður mjög vel hjá Bolton.

Enski boltinn 11.8.2011 08:00

Leikmenn Blackburn í skelfilegri kjúklingaauglýsingu

Ólíklegt er að nokkur leikmanna Blackburn Rovers í ensku úrvalsdeildinni hefðu samþykkt að leika í auglýsingu nokkurri ef auglýsandinn hefði ekki verið vinnuveitandi þeirra.

Enski boltinn 10.8.2011 23:45

Schmeichel kemur til varnar David de Gea

Peter Schmeichel, sem er að mörgum talinn vera besti markvörðurinn sem hefur spilað fyrir Manchester United, sá sig tilneyddan til þess að koma Spánverjanum David de Gea til varnar eftir að de Gea var gagnrýndur harðlega eftir fyrsta alvöru leikinn sinn í búningi United.

Enski boltinn 10.8.2011 22:45

Hörmuleg byrjun á keppnistímabilinu hjá Bebe

Portúgalski kantmaðurinn Bebe meiddist í U21 landsleik Portúgala og Slóvaka á þriðjudagskvöld. Nú lítur út fyrir að Bebe hafi slitið fremra krossband í hné og verði frá keppni í hálft ár.

Enski boltinn 10.8.2011 20:30

Barcelona hækkar tilboð sitt í Fabregas

Enski fjölmiðillinn Sky Sports greinir frá því að Barcelona hafi lagt fram nýtt tilboð í Cesc Fabregas, fyrirliða Arsenal, í dag. Tilboði Barcelona upp á 35 milljónir punda var hafnað fyrir skemmstu.

Enski boltinn 10.8.2011 19:00

Stoke gerir lokatilboð í Crouch og Palacios

Stoke City hefur gert lokatilboð í framherjann Peter Crouch og miðjumanninn Wilson Palacios leikmenn Tottenham. Stoke hefur styrkt sig töluvert varnarlega í sumar með kaupunum á miðvörðunum Jonathan Woodgate og Matthew Upson.

Enski boltinn 10.8.2011 18:15

Bamba ætlað að fylla í skarð Samba?

Steve Kean knattspyrnustjóri Blackburn segir félagið nálægt því að festa kaup á Sol Bamba varnarmanni Leicester. Kean leitar að miðverði til að fylla í skarð Phil Jones sem fór til Manchester United.

Enski boltinn 10.8.2011 16:45

Upson til Stoke á frjálsri sölu

Miðvörðurinn Matthew Upson er genginn til liðs við Stoke City. Upson, sem skrifaði undir tveggja ára samning við enska úrvalsdeildarfélagið, kemur til félagsins á frjálsri sölu.

Enski boltinn 10.8.2011 09:30

Skilaboð Arsenal til Man. City: Nasri er ykkar fyrir 22 milljónir punda

Frakkinn Samir Nasri er líklega á leiðinni til Manchester City eftir að Arsenal gaf það út að Manchester City geti keypt hann á 22 milljónir punda. Daily Mail segir að viðræður félaganna gangi hratt fyrir sig.

Enski boltinn 9.8.2011 22:30

Óvíst hvort leikir í ensku úrvalsdeildinni í Lundúnum fari fram

Upphaf ensku úrvalsdeildarinnar um helgina er í óvissu vegna óeirðanna í Lundúnum undanfarna daga. Lögregluyfirvöld munu taka ákvörðun um hvort leikirnir fari fram. Það sem ræður úrslitum er hvort lögreglan telji sig hafa nægan mannskap til þess að standa vörð á leikjunum.

Enski boltinn 9.8.2011 18:30

Reading selur sinn helsta markaskorara annað árið í röð - Long til WBA

Enska B-deildarliðið Reading er búið að selja sinn helsta markaskorara annað árið í röð. Í fyrra seldi liðið Gylfa Þór Sigurðsson til þýska liðsins Hoffenheim í haustglugganum og í dag seldi liðið síðan framherjann Shane Long til enska úrvalsdeildarliðsins West Bromwich Albion.

Enski boltinn 9.8.2011 18:00

Japanski snillingurinn kominn með atvinnuleyfi - má spila með Arsenal

Japanska ungstirnið Ryo Miyaichi, leikmaður Arsenal, er kominn með atvinnuleyfi. Kantamaðurinn 18 ára, sem var í láni hjá Feyenoord í Hollandi á síðustu leiktíð, er því klár í slaginn með lærisveinum Arsene Wenger.

Enski boltinn 9.8.2011 17:30

Barton æfir með aðalliði Newcastle á nýjan leik

Joey Barton miðvallarleikmaður Newcastle United æfði með aðalliði félagsins á nýjan leik í gær. Barton, sem hefur fengið grænt ljós á frjálsa sölu frá félaginu, æfði einn í síðustu viku en óánægju gætti hjá stjórnarmönnum Newcastle vegna framkomu hans á Twitter.

Enski boltinn 9.8.2011 16:45

Radosav Petrovic gengur til liðs við Blackburn

Blackburn Rovers hefur gengið frá kaupum á Serbanum Radosav Petrovic frá Partizan í Belgrad. Miðjumaðurinn skrifaði undir fjögurra ára samning við Blackburn en kaupverðið hefur ekki verið gefið upp.

Enski boltinn 9.8.2011 16:36

Michael Ball til liðs við Sven Göran hjá Leicester

Vinstri bakvörðurinn Michael Ball hefur skrifað undir eins árs samning við Leicester City. Ball, sem hefur verið samningslaus frá 2009, æfði með Leicester á undirbúningstímabilinu og þótti standa sig það vel að honum var boðinn samningur.

Enski boltinn 9.8.2011 13:00