Enski boltinn

Lukaku á leið til Inter: Gengst undir læknisskoðun á morgun

Anton Ingi Leifsson skrifar
Lukaku er á leið frá Man. Utd.
Lukaku er á leið frá Man. Utd. vísir/getty
Romelu Lukaku, framherji Manchester United, er á leið til Ítalíu þar sem hann gengst undir læknisskoðun hjá Inter Milan á morgun.

Talið er að boð frá Inter upp á 77 milljónir punda hafi verið samþykkt í dag en 65 milljónir vera borgaðir í fyrstu greiðslu og tólf milljónir síðar meir.

Talið er að belgíski framherjinn muni skrifa undir fimm ára samning við ítalska liðið.







Federico Pastorello, umboðsmaður Lukaku, er staddur á Englandi þar sem hann ræðir við Manchester United en Lukaku er í Belgíu þar sem hann æfir með sínu fyrrum félagi, Anderlecht.

United hafði búist við Lukaku á æfingasvæði félagsins á morgun en nú er hann á leiðinni til Ítalíu þar sem hann mun gangast undir læknisskoðun hjá félaginu á morgun.

Þessi 26 ára gamli framherji vill ólmur komast burt frá félaginu en hann var ekki fyrsta val Ole Gunnar Solskjær, stjóra Man. Utd, er hann tók við liðinu í desember síðastliðnum.

Enski boltinn

Mest lesið


Fleiri fréttir

Sjá meira


×

Mest lesið