Innlent

Katrín er sammála Svandísi

Katrín Júlíusdóttir
Katrín Júlíusdóttir

Skýrsla Magma-nefndarinnar sýnir að kaup Magma á HS orku samræmdust lögum, að sögn Katrínar Júlíusdóttur iðnaðarráðherra. „Ég sé ekki betur en að nefndin komist að þeirri niðurstöðu að samningaleiðin sé sú eina færa,“ segir hún.

Katrín segir að það myndi kosta ríkið tugmilljarða að ganga inn í kaupin á þessari stundu, og því sé rétt að ganga til samninga við Magma um forkaupsrétt ríkisins og styttri leigutíma á auðlindinni og láta þar við sitja.

Svandís Svavarsdóttir umhverfisráðherra sagði í fréttum um helgina að niðurstaða nefndarinnar breytti engu um afstöðu ríkisstjórnarinnar. Áfram skuli stefnt að því að leiðrétta stöðuna gagnvart HS orku með tilliti til almannahagsmuna. Katrín segir að samningar við Magma yrðu í þágu almannahagsmuna og að þessu leyti séu þær því sammála. - sh



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.