Fréttir, myndbönd og tölfræði úr ensku deildinni.
Franz Beckenbauer, fyrrum fyrirliði og þjálfari þýska landsliðsins í fótbolta, telur að Jurgen Klinsmann eigi að taka við starfi Jose Mourinho hjá Chelsea, fari svo að honum verði boðin þjálfarastaðan á Stamford Bridge í nánustu framtíð. Klinsmann hefur verið sterklega orðaður sem eftirmaður Mourinho hjá Chelsea, hvenær svo sem portúgalski stjórinn hverfur á braut.
Sir Alex Ferguson, stjóri Man. Utd. viðurkennir að kapphlaupið um meistaratitilinn í ensku úrvalsdeildinni sé fjarri því að vera á enda eftir jafntefli liðsins gegn Middlesbrough í kvöld. Manchester United varð fyrir áfalli þegar Rio Ferdinand fór meiddur af velli og verður hann frá í tvær vikur hið minnsta.
Miðjumaðurinn Frank Lampard telur að félagi sinn Didier Drogba eigi skilið að vera valinn leikmaður ársins af samtökum leikmanna ensku úrvalsdeildarinnar, fremur heldur en Cristiano Ronaldo hjá Man. Utd. Ástæðan sé einföld; Drogba hafi verið besti framherjinn í heiminum á þessu tímabili. Úrslitin í kjörinu verða tilkynnt annað kvöld.
Manchester United náði aðeins jafntefli gegn Middlesbrough í liðanna í ensku úrvalsdeildinni sem fram fór á Old Trafford nú undir kvöld. Man. Utd. komst yfir strax á þriðju mínútu með marki Kieran Richardsson en Mark Viduka jafnaði metin á 46. mínútu og þar við sat. Chelsea á einn leik til góða og með sigri mun liðið verða aðeins einu stigi á eftir Man. Utd.
Alan Curbishley, knattspyrnustjóri West Ham, var að vonum ánægður með lærisveina sína verðskuldaðan sigur þeirra á Everton í dag. Þetta var fjórði sigur West Ham í síðustu sex leikjum, og allir hafa þeir komið gegn liðum í efri hluta deildarinnar. Næsti leikur liðsins er gegn Wigan og segir Curbishley að sá leikur muni líklega ráða úrslitum um framhaldið.
Arsene Wenger, knattspyrnustjóri Arsenal, var gríðarlega vonsvikinn með að hafa misst unnin leik niður í jafntefli í viðureigninni gegn Tottenham í dag, en hrósaði leikmönnum sínum þó fyrir að sýna mikinn karakter. Wenger sagði við fréttamenn eftir leikinn að stemningin í búningsklefanum eftir leik hafi verið eins og eftir tapleik.
Sir Alex Ferguson, stjóri Manchester United, segir að endurkoma Alan Smith í lið sitt hafi verið lyginni líkust og geti gert gæfumuninn í baráttu liðsins um sigur í ensku deildinni, ensku bikarkeppninni og Meistaradeildinni. Eftir að hafa verið frá í nánast 14 mánuði samfleytt hefur Smith spilað frábærlega á síðustu vikum.
Eggert Magnússon og félagar í West Ham unnu gríðarlega mikilvægan sigur á Everton í ensku úrvalsdeildinni í dag og er nú þremur stigum frá því að komast upp úr fallsæti deildarinnar. Á sama tíma gerðu helstu keppinautarnir, Charlton og Sheffield Utd., gerðu 1-1 jafntefli. Fjölmargir leikir fóru fram í Englandi í dag og er Watford fallið í 1. deild.
Íslendingaliðið West Ham er með 1-0 forystu gegn Everton þegar flautað hefur verið til hálfleiks í viðureign liðanna í ensku úrvalsdeildinni í dag. Á sama tíma eru Charlton og Sheffield Utd. að gera markalaust jafntefli og ef úrslitin yrðu á þennn veg væri West Ham aðeins tveimur stigum frá því að komast úr fallsæti eftir leiki dagsins.
Varnarmaðurinn Ricardo Carvalho er vanmetnasti leikmaður Chelsea, að mati Jose Mourinho. Portúgalski knattspyrnustjórinn segir að landi sinn hafi staðið sig frábærlega í vetur, sérstaklega í ljósi meiðsla lykilmanna í öftustu línu liðsins.
Ívar Ingimarsson og Brynjar Björn Gunnarsson eru báðir í byrjunarliði Reading sem sækir Bolton heim í ensku úrvalsdeildinni í dag. Heiðar Helguson er á meðal varamanna Fulham sem fær Blackburn í heimsókn og það er Hermann Hreiðarsson sömuleiðis hjá Charlton, en liðið mætir Sheffield United í dag.
Jermaine Jenas jafnaði metin fyrir Tottenham á 95. mínútu í viðureign liðsins gegn erkifjendunum í Arsenal í ensku úrvalsdeildinni í dag. Lokatölur urðu 2-2 eftir mjög sveiflukenndan leik, þar sem Tottenham komst yfir í fyrri hálfleik áður en Arsenal svaraði með tveimur mörkum í þeim síðari.
Jamie Carragher, varnarmaður Liverpool, hlakkar ekki til að mæta Emile Heskey í leiknum gegn Wigan í ensku úrvalsdeildinni í dag, enda sá hann ein helsta martröð varnarmanna deildarinnar. Carragher lék lengi með Heskey hjá Liverpool og telur hann vera frábæran leikmann.
Alan Curbishley, knattspyrnustjóri West Ham, hefur skipað leikmönnum sínum að fagna ekki mörkum fyrr en að liðið hafi bjargað sér frá falli. Curbishley var ekki ánægður með gríðarleg fagnaðarlæti leikmanna liðsins þegar það jafnaði í leiknum gegn Chelsea um síðustu helgi, en Chelsea skoraði aftur á meðan leikmennirnir voru nánast enn að fagna.
Gilberto Silva, hinn brasilíski miðjumaður Arsenal, segir að leikmenn liðsins hafi fengið vægt sjokk þegar þeir heyrðu af brotthvarfi stjórnarmannsins David Dein frá félaginu í vikunni. Gilberto vill jafnframt að Arsenal geri allt til að fá Dein aftur til félagsins, svo stóran þátt hafi hann átt í velgengni liðsins síðustu ár.
George Boateng, fyrirliði Middlesbrough, segir af og frá að leikmenn liðsins muni viljandi reyna að meiða Cristiano Ronaldo, leikmann Manchester United, þegar liðin eigast við í ensku úrvalsdeildinni í dag. Eftir síðasta leik liðanna fyrir um mánuði síðan lét Boateng hafa eftir sér að Ronaldo ætti eftir að lenda illa í því í framtíðinni.
Arsene Wenger, knattspyrnustjóri Arsenal, er sagður vega og meta framtíð sína hjá félaginu eftir að varaformaður stjórnar félagsins, David Dein, hætti skyndilega á miðvikudaginn vegna ágreinings um stefnu þess.
Eggert Magnússon segist enn ekki vera búinn að missa trú á liði sínu West Ham í ensku úrvalsdeildinni þó útlitið sé orðið mjög dökkt í fallbaráttunni. West Ham hefur tapað tveimur leikjum í röð og þegar fjórar umferðir eru eftir er liðið enn fimm stigum frá fallsvæðinu.
Brasilíski landsliðsmaðurinn Julio Baptista hjá Arsenal segir að sér líði ömurlega á Englandi og er tilbúinn að reyna aftur fyrir sér hjá Real Madrid á Spáni. Hann kom sem lánsmaður til Arsenal frá Real í skiptum fyrir Jose Antonio Reyes, en Brasilíumanninum hefur ekki gengið betur að aðlagast enskum siðum og veðurfari frekar en Reyes á sínum tíma.
Norski markaskorarinn Ole Gunnar Solskjær hjá Manchester United hefur gefið það út að hann muni að öllum líkindum leggja skóna á hilluna eftir næsta keppnistímabil. Hann er 34 ára gamall og samningur hans við félagið rennur út sumarið 2008.
Brasilíska knattspyrnugoðsögnin Pele segir að enn sé of snemmt að kalla Cristiano Ronaldo hjá Manchester United besta leikmann heims. Pele segir að hann verði að spila tvö til þrjú ár í viðbótar á pari við það sem hann hefur sýnt í vetur til að geta talist einn af þeim bestu.
Glenn Roeder, stjóri Newcastle, metur stöðuna þannig að um helmingslíkur séu á því að Michael Owen snúi til baka úr meiðslum og komi við sögu í leik liðsins gegn Chelsea á sunnudaginn. Owen hefur ekki spilað leik í 10 mánuði vegna hnémeiðsla, en á þar að auki við smávægileg nárameiðsli að stríða.
Peter Hill-Wood, stjórnarformaður Arsenal, segir að Arsene Wenger muni verða knattspyrnustjóri liðsins áfram þrátt fyrir að David Dein hafi farið frá félaginu í gær vegna samstarfsörðugleika við aðra stjórnarmenn. Dein var ábyrgur fyrir því að ráða Wenger til félagsins árið 1996.
Leikmenn Chelsea fengu óblíðar móttökur í gær þegar þeir mættu á Upton Park til að spila við granna sína í West Ham í ensku úrvalsdeildinni. Múrsteini var grýtt inn um rúðu bílsins sem flutti Chelsea á svæðið. Frank Lampard, fyrrum leikmaður West Ham, vildi ekki gera mikið úr atvikinu.
Chelsea vann í kvöld öruggan 4-1 útisigur á grönnum sínum í West Ham í ensku úrvalsdeildinni og minnkaði um leið forskot Manchester United niður í þrjú stig á toppnum. West Ham er nú komið í verulega vond mál í botnbaráttunni. Liverpool lagði Middlesbrough 2-0 með mörkum Steven Gerrard og Blackburn vann Watford 3-1.
Nú er kominn hálfleikur í leikjunum þremur sem standa yfir í ensku úrvalsdeildinni. Chelsea hefur yfir 2-1 gegn West Ham á Upton Park þar sem Shaun Wright-Phillips skoraði mörk gestanna en Carlos Tevez mark West Ham. Blackburn hefur yfir 3-1 gegn Watford og markalaust er hjá Liverpool og Middlesbrough.
Jurgen Klinsmann, fyrrum landsliðsþjálfari Þjóðverja, er nýjasta nafnið sem orðað hefur verið við knattspyrnustjórastöðuna hjá Chelsea ef Jose Mourinho hættir hjá félaginu. Franz Beckenbauer segir að Klinsmann gæti gert góða hluti á Englandi.
Forráðamenn Real Madrid vísa því á bug í dag að hafa boðið Rafa Benitez hjá Liverpool að taka við liðinu í sumar. Benitez greindi frá því í gær að hann hefði neitað risatilboði frá stórliðinu í heimaborg sinni.
David Dein, varastjórnarformaður enska knattspyrnufélagsins Arsenal, hætti störfum hjá félaginu í dag. Félagið hefur gefið út yfirlýsingu í kjölfarið þar sem fram kemur að þessi ráðstöfun tengist ekki fyrirhuguðu yfirtökutilboði ameríska auðjöfursins Stan Kroenke í félagið.
Chris Coleman segir að það hafi verið sér mikið áfall þegar hann var rekinn frá enska úrvalsdeildarfélaginu Fulham á dögunum. Hann hafði verið hjá félaginu í áratug, fyrst sem leikmaður, þá þjálfari og loks knattspyrnustjóri. Hann segist ekki vera gramur út í sína fyrrum félaga og vonar að þeir sleppi við fall.
