Fleiri fréttir

Aukinn kvóti skapar nær 16 milljarða í útflutningsverðmætum

Sá aukni kvóti sem Hafrannsóknarstofnun leggur til í mörgum af nytjastofnum okkar skapar 15 til 16 milljarða kr. í auknum útflutningsverðmætum. Þetta kemur fram í Morgunkorni greiningar Íslandsbanka sem hefur upphæðina eftir upplýsingum frá LÍÚ.

Laun hækkuðu um 2,4% milli ársfjórðunga

Regluleg laun voru að meðaltali 2,4% hærri á fyrsta ársfjórðungi 2013 en í ársfjórðungnum á undan. Frá fyrra ári hækkuðu laun um 5,3% að meðaltali, hækkunin var 5,8% á almennum vinnumarkaði og 4,1% hjá opinberum starfsmönnum.

Hagvöxturinn aðeins 0,8% á fyrsta ársfjórðungi

Landsframleiðsla á fyrsta ársfjórðungi ársins jókst um 0,8% borið saman við sama tímabil í fyrra. Á sama tíma drógust þjóðarútgjöld, sem endurspegla innlenda eftirspurn, saman um 4%.

Fjármálaráðherra hvetur kröfuhafa ÍLS til að sýna sveigjanleika

Bjarni Benediktsson fjármálaráðherra hvetur kröfuhafa Íbúðalánasjóðs (ÍLS) til þess að vera "sveigjanlegir" í samningum, verði óskað eftir skilmálabreytingum á útistandandi skuldabréfum sjóðsins. Ráðherrann telur halla sjóðsins vera alvarlegt mál og telur að leysa þurfi vanda hans á þessu ári.

Heiðar Már eykur við eign sína í Vodafone

Heiðar Már Guðjónsson hefur aukið við eign sína í Fjarskiptum hf. móðurfélagi Vodafone. Heiðar Már hefur keypt 2 milljónir hluta í Fjarskiptum á 28 kr. hlutinn eða samtals fyrir 56 milljónir kr.

Beðið aðgerða áður en eignir eru seldar

Lögmaður og fasteignasali segir lög tryggja að réttur til lánaleiðréttingar tapist ekki tapast þótt eign sé seld eða lán gert upp. Kallar um leið eftir að stjórnvöld skýri réttarstöðu fólks. Fasteignamarkaður mallar meðan fólk bíður aðgerða.

Krónan kostar þjóðina 80 til 110 milljarða

Ávinningur þjóðarbúsins af því að skipta út krónunni fyrir evru gæti numið 80 til 110 milljörðum króna á ári. Þetta kemur fram í nýjasta tölublaði efnahagsritsins Vísbendingar.

Bréf Vodafone enn að lækka

Hlutabréfaverð Vodafone lækkaði enn í gær og stóð í 27,5 krónum á hlut við lokun. Verðið hefur lækkað um 21% frá því að það fór hæst í lok mars.

IFS greining spáir óbreyttum stýrivöxtum

IFS greining telur að Seðlabankinn haldi vöxtum bankans óbreyttum í júní en lítið hefur breyst frá síðasta stýrivaxtafundi þann 15. maí. Gengið hefur haldist stöðugt og verðbólga s.l. tólf mánuði haldist óbreytt milli mánaða og í takti við væntingar Seðlabankans.

Árangur af hóflegri nýtingarstefnu að skila sér

Jóhann Sigurjónsson forstjóri Hafrannsóknarstofnunnar segir að hin jákvæðu tíðindi sem birtast í nýrri skýrslu stofnunarinnar um ástand og horfur okkar helstu nytjastofna sé árangur af hóflegri nýtingarstefnu á síðustu árum.

Útlit fyrir 215 þúsund tonna þorskafla

Í nýrri skýrslu Hafrannsóknarstofnunnar um ástand nytjastofna við landið á þessu fiskveiðiári og horfur fyrir það næsta, sem hefst í haust, kemur fram að þorskaflinn gæti farið í 215 þúsund tonn. Þetta er 20 þúsund tonnum meiri afli en leyfður var á yfirstandandi fiskveiðaári og mesti þorskafli hérlendis frá aldamótum.

Stefnir hf. á tæplega 13% hlut í Reginn

Stefnir hf., fyrir hönd sjóða í rekstri félagsins, á orðið 12,82% hlut í Reginn. Þessu var flaggað í Kauphöllinni þar sem hlutur Stefnis er kominn yfir 10% markið.

Hagsjá: Lítið að gerast á fasteignamarkaði

Hagfræðideild Landsbankans segir að fá merki eru um að mikilla umbreytinga sé að vænta á fasteignamarkaði á næstunni, þrátt fyrir mikla umræðu þar um. Í góðum vikum koma fréttir um mikið fjör á markaðnum, en sveiflur eru miklar og minna látið af lítilli veltu.

Gistinóttum fjölgaði um 10% milli ára í apríl

Gistinætur á hótelum í apríl voru 133.000 og fjölgaði um 10% frá apríl í fyrra. Gistinætur erlendra gesta voru um 79% af heildarfjölda gistinátta í mánuðinum en þeim fjölgaði um 9% frá sama tíma í fyrra. Jafnframt fjölgaði gistinóttum Íslendinga um 12%.

Fasteignaveltan 15,7 milljarðar í borginni í maí

Fjöldi þinglýstra kaupsamninga um fasteignir við sýslumannsembættin á höfuðborgarsvæðinu í maí var 485. Heildarvelta nam 15,7 milljörðum króna og meðalupphæð á hvern kaupsamning var 32,3 milljónir króna.

Breytingar á stjórnskipulagi HB Granda

Breytingar hafa verið gerðar á stjórnskipulagi HB Granda hf. Markmið þeirra er að stytta boðleiðir milli veiða og vinnslu og skýra betur línur varðandi ýmsa mikilvæga þætti í rekstrinum.

Mikil eftirspurn í hlutafjárútboði Regins

Mikil eftirspurn var eftir hlutum í hlutafjárútboði Regins í gærdag eða nær tvöfalt framboðið af þeim. Um var að ræða 25% hlut í félaginu og seldist hann á rétt rúmlega fjóra milljarða kr.

Nubo reynir aftur

Talsmaður Huangs Nubo á Íslandi segir að á næstunni verði sótt í annað sinn um ívilnunarsamning við iðnaðarráðuneytið vegna leigu á hluta Grímsstaða á Fjöllum.

Betri staða styður krónuna

Jákvæð þróun utanríkisviðskipta og hreinnar erlendrar stöðu þjóðarbúsins getur stutt við gengi krónunnar þegar kemur að stórum gjalddögum í erlendri mynt á vordögum.

Johan Rönning bætist í hópinn

Johan Rönning hefur bæst í hóp þeirra fyrirtækja sem hlotið hafa jafnlaunavottun VR. Alls hafa fimm fyrirtæki hlotið vottunina.

Innanlandsflugið dregst saman

Fjölgun farþega í millilandaflugi Icelandair í maí miðað við sama mánuð í fyrra nemur 16 prósentum á sama tíma og farþegum í innanlandsflugi fækkaði um 11 prósent.

VÍS til fyrirmyndar í Evrópu

Vinnuverndarstofnun Evrópu sem staðsett er í Bilbao á Spáni hefur bent á VÍS sem fyrirmyndarfyrirtæki hvað varðar vinnuverndarstarf og heilsueflingu starfsfólks hjá fyrirtækinu. Þetta er liður í vinnuverndarvikunni 2012 – 2013 sem ber slagorðið Vinnuvernd - Allir vinna en þar er áhersla lögð á samskipti stjórnenda og starfsmanna á vinnutöðum.

Nýta forkaupsrétt sinn í hlut OR í Hrafnabjargavirkjun

Stjórnir Norðurorku hf. og Orkuveitu Húsavíkur samþykktu á fundum sínum 3. júní að nýta forkaupsrétt sinnað hlut Orkuveitunnar (OR) í Hrafnabjargavirkjun og hafa þegar verið lögð drög að kaupsamningum milli aðila.

Fyrsti olíurisinn sem sækir um Drekann

Kínverska ríkisolíufélagið CNOOC ("sínúkk") er fyrsti olíurisinn sem sækir um Drekasvæðið og vonast ráðamenn Eykons Energy til að innkoma hans kveiki áhuga annarra risaolíufélaga heimsins á íslenska landgrunninu.

Seðlabankinn beitir fleiri stjórntækjum á gjaldeyrismarkaði

Inngrip á gjaldeyrismarkaði eru ekki eina stjórntækið sem Seðlabankinn hefur til þess að hafa áhrif á gengi krónunnar. Að mati Peningastefnunefndar er eðlilegt að Seðlabankinn hafi einnig áhrif á gjaldeyrisviðskipti aðila sem standa frammi fyrir stórum gjalddögum á erlendum lánum með tillit til áhrifa þeirra á gengi krónunnar.

Dóra stjórnar einkabankaþjónustu MP banka

Dóra B. Axelsdóttirhefur verið ráðin forstöðumaður einkabankaþjónustu MP banka. Dóra gekk til liðs við einkabankaþjónustu MP banka í desember síðast liðnum en hún starfaði áður hjá Virðingu hf. sem sérfræðingur í skuldabréfastýringu. Dóra starfaði einnig hjá SPRON um sjö ára skeið, meðal annars sem forstöðumaður eignastýringar og verðbréfaþjónustu.

Greining Íslandsbanka spáir 1,2% hagvexti í ár

Greining Íslandsbanka hefur gefið út nýja þjóðhagsspá. Gert er ráð fyrir að hagvöxtur hér á landi verði 1,2% á þessu ári. Þetta er hægur vöxtur í sögulegu samhengi, en meðalhagvöxtur hér á landi síðustu 30 árin er 2,5%. Þetta er jafnframt lægri hagvöxtur en aðrir sérfræðingar hafa spáð.

Ekkert nýtt í málinu segir ÍLS

Íbúðalánasjóður hefur sent Kauphöllinni yfirlýsingu vegna frétta um breytingar á skilmálum skuldabréfa sjóðsins. Í henna segir að ekkert nýtt sé að frétta í málinu.

Kröfuhöfum kynntar breytingar hjá ÍLS í sumar

Kröfuhöfum Íbúðalánasjóðs (ÍLS) verða kynntar breytingar á skilmálum á útgefnum skuldabréfum sjóðsins í sumar. Þetta kemur fram í frétt á Bloomberg fréttaveitunni þar sem Sjöfn Ingólfsdóttir staðfestir þessa tímasetningu.

Slitastjórn Landsbankans seldi kröfur í Glitni fyrir 28 milljarða

Slitastjórn gamla Landsbankans (LBI) seldi í mars allar kröfur sínar á hendur þrotabúi Glitnis fyrir 28 milljarða króna. Eftir því sem Morgunblaðið kemst næst var bandarískur vogunarsjóður í eigu John Paulson á meðal þeirra sem keyptu hluta af kröfunum.

Með þriðju mestu verðbólguna

Meðalverðbólga í löndum Efnahags- og framfarastofnunarinnar, OECD, hefur ekki verið minni síðan í október 2009.

Sigmundur segir skuldaniðurfellingu mögulega fyrir árslok

Sigmundur Davíð Gunnlaugsson forsætisráðherra segir að skuldaniðurfelling hjá heimilum landsins sé möguleg fyrir árslok. Að vísu svo með þeim fyrirvara að búið verði að semja við erlenda kröfuhafa um málið fyrir þann tíma.

Horfur á hækkandi makrílverði í sumar

Nú í upphafi makrílvertíðar eru horfur nokkuð góðar á helstu mörkuðum fyrir makrílinn. Birgðir eru litlar og eftirspurn er fyrir hendi og líkur á að verð verði hærra en á síðustu vertíð. Þá hafði það reyndar lækkað töluvert frá árinu áður, þegar það var í hámarki. Búast má við að heildarframboð af makríl í ár verði svipað og í fyrra.

SFÚ óskar eftir fundi með Sigurði Inga

Samtök fiskframleiðenda og útflytjenda (SFÚ) hefur sent Sigurði Inga Jóhannssyni, sjávarútvegs- og landbúnaðarráðherra, árnaðaróskir um farsæld í nýju starfi og beðið um fund með ráðherranum til að ræða málefni samtakanna. Samkeppnisumhverfi í sjávarútvegi hallar mjög á sjálfstæða framleiðendur og stjórnvöld hafa látið undir höfuð leggjast að lagfæra samkeppnisskilyrði þrátt fyrir eindregin tilmæli m.a. frá Samkeppniseftirlitinu.

Uppsetningu Metanstöðvar á Akureyri seinkar

Ljóst er að allnokkur seinkun verður á því að hægt verði að hefja vinnslu hauggass frá urðunarstaðnum á Glerárdal við Akureyri. Tafirnar stafa af seinkun á afhendingu hreinsistöðvar frá framleiðanda hennar, Greenlane í Svíþjóð. Áætlanir nú gera ráð fyrir að sala metangass geti hafist fyrir áramótin.

Oxymap selur súrefnismæli til Sviss

Nýsköpunarfyrirtækið Oxymap er búið er að selja súrefnismæli sinn í fjórum heimsálfum en í júní verður fimmtánda tækið afgreitt til Sviss.

Sjá næstu 50 fréttir

Mest lesið