Hagvöxturinn aðeins 0,8% á fyrsta ársfjórðungi

Landsframleiðsla á fyrsta ársfjórðungi ársins jókst um 0,8% borið saman við sama tímabil í fyrra. Á sama tíma drógust þjóðarútgjöld, sem endurspegla innlenda eftirspurn, saman um 4%.

Einkaneysla jókst um 0,8% og samneysla um 0,9% en fjárfesting dróst saman um 19,9%. Útflutningur jókst um 2,3% á sama tíma og innflutningur dróst saman um 6,3%.

Þetta kemur fram á vefsíðu Hagstofunnar. Þar segir að árstíðaleiðrétt landsframleiðsla jókst um 4,6% að raungildi milli fjórða ársfjórðungs 2012 og 1. ársfjórðungs 2013. Þar af mældist 4% aukning í þjóðarútgjöldum, sem skýrist að mestu af mikilli aukningu birgða á 1. ársfjórðungi.