Fleiri fréttir

Berlingske: George Soros gæti keypt Ísland

Danska blaðið Berlingske Tidende fjallar um hvaða lönd ríkustu einstaklingar heimsins gæti keypt fyrir auðæfi sín. Í sjötta sæti af tíu er George Soros en hann gæti keypt Ísland.

FT: Málsókn Kaupþings tilbúningur og óraunveruleg

Financial Times (FT) fjallar um niðurstöðu í máli Kaupþings gegn breskum stjórnvöldum og vitnar m.a. í niðurstöðu breska dómstólsins (High Court) þar sem segir að málsóknin hafi haft á sér yfirbragð tilbúnings og óraunveruleika.

Skuldatryggingaálagið á ríkissjóð fer hríðlækkandi

Skuldatryggingaálagið á ríkissjóð hefur farið hríðlækkandi og stendur nú í 358 punktum. Fyrir síðustu helgi hafði það hinsvegar farið hækkandi og stóð í 410 punktum s.l. föstudag samkvæmt lista CMA Datavision yfir þau 10 lönd sem taldin eru í mestri hættu á þjóðargjaldþroti.

Flugakademía Keilis farin í útrás til Kína

Stefnt er að því að hér á landi stundi árlega 200 Kínverjar flugnám hjá Flug­akademíu Keilis í Reykjanesbæ. Von er á fyrsta nemendahópnum í janúar. Skólinn tók nýverið í notkun þrjár nýjar og tæknilega fullkomnar kennsluflugvélar.

Ellefu milljarða króna skuld eftir misheppnuð hlutabréfakaup

Þrjú félög athafnamannsins Sigurðar Bollasonar skilja eftir sig ellefu milljarða króna skuld eftir misheppnuð hlutabréfakaup í Landsbankanum, Glitni og Existu á árinu 2008. Allar eignirnar eru verðlausar og þurfa lánadrottnar Sigurðar því að öllum líkindum að afskrifa milljarðana ellefu.

Ekki búið að taka ákvörðun í máli Baldurs

Engin ákvörðun hefur verið tekin í Menntamálamálaráðuneytinu í máli Baldurs Guðlaugssonar ráðuneytisstjóra en hann sætir nú rannsókn sérstaks saksóknara. Menntamálaráðherra sagði um helgina að máið yrði skoðað eftir helgi. Rætt hefur verið um að Baldur verði annaðhvort sendur í leyfi á meðan rannsókn stendur, eða þá að honum verði vikið frá störfum.

Ætla í mál við hollenska seðlabankann vegna Icesave

Gerard van Vliet sem fer fyrir hópi hollenskra sparifjáreigenda sem töpuðu meira en 20.887 evrum á Icesave segir hópinn nú undirbúa mál á hendur hollenska seðlabankanum. Hópurinn telur að hollenskir eftirlitsaðilar hafi ekki síður brugðist en þeir íslensku.

Yfir 50% sjóða Landsvaka til skyldra aðila

Staða peningamarkaðsbréfa Landsbanka Íslands mánuði fyrir hrun í fyrra var þannig að yfir 50% fjármuna sjóðsins voru lán til skyldra aðila, þ.e. Landsbankans sjálfs, Samsonar, Eimskipafélagsins og Straums-Burðaráss. Þetta segir á vefsíðu AFL sem hyggst stefna sjóðsstjórum Landsvaka eins og fram hefur komið í fréttum.

Áfram mikil skuldabréfavelta

Skuldabréfaveltan er áfram mikil í kauphöllinni og í dag nam hún um 15,6 milljörðum kr. Hinsvegar var mjög rólegt á hlutabréfamarkaðinum.

OKG ehf. greiðir ekki af skuldabréfum

OKG ehf. (áður Opin Kerfi Group hf.) mun ekki greiða af skuldabréfum sem félagið er útgefandi að með heitið OPKF 01 1 og er á gjalddaga í dag, 20. október 2009, sem jafnframt er lokagjalddagi skuldabréfanna.

Ferðaþjónustan aflar 400 milljóna á dag í gjaldeyri

Árið 2009 er fyrir fjöldamörg fyrirtæki í ferðaþjónustu eitt besta rekstrarár í langan tíma og má gera ráð fyrir að erlendir ferðamenn komi með u.þ.b. 150 milljarða króna í erlendum gjaldeyri inn í landið - en það gera u.þ.b. 400 milljónir á dag að meðaltali.

Mannvit með samning um verkefni vestan hafs

Verkfræðistofan Mannvit og alþjóðlega verkfræðifyrirtækið Technip hafa undirritað samstarfssamning um þróunarverkefni á sviði jarðhitanýtingar í Bandaríkjunum.

Spurning hvort gjaldeyrishöftin haldi aftur af krónunni

Greining Íslandsbanka veltir vöngum yfir því hvort þróun krónu hefði orðið í ætt við það sem orðið hefur í ungversku forintunni, hefði gjaldeyrishöftum verið aflétt fljótlega eftir að áætlun stjórnvalda og AGS var ýtt af stokkunum.

Landsvaki: AFL ætlar að stefna röngum aðila

Landsvaki segir að Afl Starfsgreinafélag hafi aldrei gert samning um eignastýringu við Landsvaka. Félagið var hins vegar með samning um eignastýringu við Landsbanka Íslands hf. Sjóðstjórar Landsvaka önnuðust því ekki á neinum tímapunkti upplýsingagjöf til Afls eða fóru með fjármuni félagsins.

Vextir lækkaðir þegar endurskoðun AGS er í höfn

Greining Íslandsbanka telur að peningastefnunefnd Seðlabankans muni ákveða að lækka vexti bankans í næsta mánuði ef endurskoðun Alþjóðagjaldeyrissjóðsins verður í höfn. Næsti vaxtaákvörðunardagur Seðlabankans er 5. nóvember næstkomandi.

Kaupþing tapar dómsmáli gegn breska fjármálaeftirlitinu

Dómstóll í Bretlandi (High Court of Justice) kvað í dag upp dóm í máli Kaupþings banka gegn breska fjármálaráðuneytinu. Dómstóllinn dæmir fjármálaráðuneytinu í hag í málinu sem snérist um lögmæti þess að flytja innistæður af Edge reikningum í hendur þriðja aðila.

Landic Property selur danskar fasteignir fyrir 50 milljarða

Fasteignafélagið Landic Property hf. hefur skrifað undir samning um sölu á Atlas I fasteignasafninu (Landic Property Denmark A/S) til danska fasteignafélagsins Jeudan A/S. Söluverðið er um 2 milljarðar danskra kr. eða tæplega 50 milljarðar kr., sem samsvarar bókfærðu verði fasteignanna.

Tæplega 20.000 manns eru á vanskilaskrá

Tæplega 20.000 manns, eða 7% þeirra sem eru fjárráða, eru á vanskilaskrá og 60% þeirra stefna í gjaldþrot. Fjórðungur þeirra sem flust hafa til Noregs eru með vanskil í löginnheimtuferli og 11% barna eiga foreldra í vanskilum.

Bresk stjórnvöld ánægð með Icesave samkomulagið

Ian Pearson yfirmaður hagdeildar breska fjármálaráðuneytisins segir að Icesave samkomulagið sem nú liggur fyrir sé góðar fréttir fyrir breska og hollenska skattgreiðendur. „Það greiði leiðina fyrir fullum endurborgunum á lánum til Íslands svo landið geti staðið við skuldbindingar sínar gagnvart innistæðureikningum á Icesave," segir Pearson.

Lausn Landsbankans liggur hjá seðlabanka Evrópu

Hugsanlegt er að heimtur úr búi gamla Landsbankans verði meiri en fram kom í samkomulagi á milli gamla og nýja bankans um síðustu helgi. Ekki er útilokað að endurheimtur kunni að vera á milli 93 til 97 prósent sem að mestu fara upp í Icesave-skuldbindinguna.

Vonast eftir vaxtalækkun og afnámi hafta hið fyrsta

Forsvarsmenn Alþýðusambands Íslands (ASÍ) og Samtaka atvinnurekanda (SA) fagna því að niðurstaða sé fengin í samningum Breta og Hollendinga vegna Icesave-málsins. „Það skiptir okkur verulegu máli að okkur hafi tekist að ná samkomulagi við þessar þjóðir, því öll önnur mál hafa verið á bið hér.

Baldur undirbjó viðbragðsáætlun gegn falli bankanna

Fyrrum ráðuneytisstjóri fjármálaráðuneytisins, Baldur Guðlaugsson, undirbjó viðbragðsáætlun gegn falli bankanna sjö mánuðum fyrir hrun. Hann sætir nú rannsókn sérstaks saksóknara vegna gruns um innherjaviðskipti eftir að hafa selt hlutabréf í Landsbankanum mánuði fyrir fall bankanna.

Exista slær Íslandsmet í tapi

Exista hefur slegið öll met í verstu afkomu íslensks fyrirtækis á einu ári, en félagið tapaði rúmum tvö hundruð milljörðum á síðasta ári. Launakostnaður nam fjórum milljörðum.

Hagar ljúka endurfjármögnun

Hagar hafa lokið endurfjármögnun félagsins í samstarfi við Landsbankann og Kaupþing samvkæmt tilkynningu sem þeir sendu frá sér. Þar kemur ennfremur fram að Hagar hafi greitt greitt að fullu skuldabréfaflokk félagsins, upphaflega 7 milljarða króna en gjalddaginn var 19. október 2007.

Skuldabréfaveltan sló ársmetið í dag

Skuldabréfaveltan sló ársmetið í dag í kauphöllinni en hún nam 21,3 milljarði kr. Fyrra met í veltunni í ár nam rúmum 18 milljörðum kr.

Útrásin lifir: Íslendingar stofna flugfélag í Litháen

Hópur íslenskra fjárfesta er nú að stofna flugfélag í Vilnius, höfuðborg Litháen. Flugfélagið á að heita Lithuania Express og á að byggja á Iceland Express eins og það var í upphafi þegar það var stofnað árið 2003.

Akureyrarbær bjóði út leigu til líkamsræktarstöðvar

„Samkeppniseftirlitið beinir þeim fyrirmælum til Akureyrarbæjar með vísan til ... samkeppnislaga ... að boðin verði út leiga í kjallara Íþróttahallarinnar við Skólastíg þegar núgildandi leigutímabili lýkur, 31. desember 2010, eða fyrr verði leigusamningi sagt upp. Þá skal Akureyrarbær upplýsa Samkeppniseftirlitið um framkvæmd og niðurstöðu slíks útboðs."

Icesave hleypir auknu lífi í skuldabréfamarkaðinn

Lífleg viðskipti hafa verið á skuldabréfamarkaði það sem af er morgni, og virðast tíðindi af Icesave hafa lagst vel í skuldabréfafjárfesta. Langmest eru viðskiptin með lengri flokka ríkisbréfanna. Tók krafa þeirra myndarlegan kipp niður á við fyrst eftir opnun í morgun, en sú hreyfing hefur að hluta til gengið til baka síðan.

Greining: Fjölmargt hvílir á samþykkt Icesave

Fjölmargir þættir í uppbyggingu efnahagslífisins hvíla á samþykkt Icesave samkomulagsins. Má þar nefna greiðslu á öðrum hluta láns frá Alþjóðagjaldeyrissjóðnum og greiðslu lána frá hinum Norðurlöndunum ásamt láni frá Póllandi. Einnig hvílir fyrsti áfangi í afnámi gjaldeyrishafta á þessari samþykkt sem og lánshæfi íslenskra ríkisins.

Þráinn ráðinn fjármálastjóri Iceland Travel

Þráinn Vigfússon hefur verið ráðinn fjármálastjóri Iceland Travel og VITA. Þráinn hefur langa og víðtæka reynslu af störfum innan ferðaþjónustunnar, meðal annars sem fjármálastjóri og síðar framkvæmdastjóri hjá Kynnisferðum.

Launakostnaður Exista nam 5,4 milljörðum í fyrra

Launakostnaður Exista nam 29,2 milljónum evra eða um 5,4 milljörðum kr. á síðasta ári. Af þessari upphæð voru laun 25 milljónir evra og launatengd gjöld rúmlega 4 milljónir evra.

Velferðarútgjöld hafa aukist verulega frá 1980

Heildarútgjöld hins opinbera til almannatrygginga og velferðarmála hafa vaxið verulega síðasta aldarfjórðung eða úr tæplega 5,7% af landsframleiðslu árið 1980 í ríflega 8,9% af landsframleiðslu 2008, en það samsvarar 132 milljörðum króna á því ári.

Economist: Togarasjómenn spila á gjaldeyrismarkaðinn

Hið virta hagfræðitímarit The Economist hefur birt grein undir fyrirsögninni „Togarasjómenn spila á gjaldeyrismarkaðinn". Þar er greint frá því að íslenskir sjómenn hafi í einhverjum mæli sent fisk á aðra markaði í Evrópu en Bretland þar sem pundið hefur gefið verulega eftir gagnvart evrunni á síðustu vikum og mánuðum.

Eignarhlutur Kaupþings í Storebrand fjórfaldast í verði

Eignarhlutur Kaupþings í norska tryggingarfélaginu Storebrand hefur fjórfaldast í verði frá haustinu 2008. Þá var 5,5% hlutur bankans metinn á 29 milljónir evra en í dag er verðmæti hlutarins kominn í 112 milljónir evra eða tæplega 21 milljarðar kr.

Ríflega 70% brottfluttra eru íslenskir ríkisborgarar

Alls fluttu 2.694 manns af landi brott umfram aðflutta á fyrstu 9 mánuðum ársins og skiptist þeir þannig að ríflega 70% þeirra voru íslenskir ríkisborgarar, eða tæplega 2.000 manns og ríflega 700 erlendir ríkisborgarar.

IFS spáir lægri stýrivöxtum

Verðbólga mælist níu prósent í þessum mánuði gangi spá IFS Greiningar um verðbólguhorfur eftir. Verði það raunin hefur verðbólga ekki verið lægri síðan í fyrravor 2008.

Alþjóðlegur hópur fjárfesta íhugar að bjóða 100 milljónir punda í West Ham

Alþjóðlegur hópur fjárfesta sem er leiddur af Bandaríkjamanninum Jim Bowe hefur staðið í samningaviðræðum um kaup á West Ham síðan á föstudaginn. Fótboltafélagið var í eigu Björgólfs Guðmundssonar áður en hann varð gjaldþrota. CB Holdings, félag í eigu Straums, tók félagið yfir og rekur það í dag.

Sjá næstu 50 fréttir

Mest lesið