Metfjöldi ferðamanna í september

Um 64.700 erlendir gestir fóru frá landinu um Leifsstöð í september sl. og er hér um að ræða langstærsta septembermánuð frá upphafi í fjölda þeirra. Í september í fyrra var fjöldi þeirra 51.600 og jafngildir þetta aukningu upp á heil 25,4% milli ára, sem er heldur meiri aukning en verið hefur á milli ára í mánuði hverjum það sem af er ári.

Lagarde harðorð í garð Grikkja, þeir fá 10 daga frest

Christine Lagarde forstjóri Alþjóðagjaldeyrissjóðsins (AGS) var harðorð í garð Grikkja í gærkvöldi að loknum fundi hennar með fjármálaráðherrum evrusvæðisins í Lúxemborg.

Hjóla í aðalvitni saksóknara

Í greinargerð Hreiðars Más eru tveir fyrrverandi starfsmenn Kaupþings nafngreindir sem lykilmennirnir í Brooks-fléttunni. Þetta eru þeir Eggert Hilmarsson, sem var lögfræðingur hjá Kaupþingi í Lúxemborg, og Halldór Bjarkar Lúðvígsson, sem var viðskiptastjóri á lánasviði Kaupþings. Þar segir að þeim hafi verið ljóst vegna starfa sinna, eða mátt vera ljóst, að ráðstöfunin bryti gegn hagsmunum Brooks og ekki síður Kaupþings.

Hreiðar sakar undirmenn sína um lögbrot

Hreiðar Már Sigurðsson furðar sig á að sérstakur saksóknari hafi ekki ákært tiltekna undirmenn hans fyrir löglaust uppgjör á þrettán milljarða sjálfsábyrgð sjeiks Al Thani. Slitastjórn Kaupþings telur ábyrgðina ógreidda og hefur stefnt sjeiknum til að greiða hana.

Hreiðar: Lög brotin í Al Thani-málinu

Refsivert lögbrot átti sér stað í Al Thani-málinu, að sögn Hreiðar Más Sigurðssonar, fyrrverandi forstjóra Kaupþings. Hann beri hins vegar ekki ábyrgð á því, heldur undirmenn hans, og sérstakur saksóknari hafi ekki einu sinni ákært fyrir þann þátt málsins.

Slitastjórnir tóku út 262 milljarða í gjaldeyri úr Seðlabankanum

Slitastjórnir gömlu bankanna þriggja tóku út samtals tæplega 262 milljarða króna af gjaldeyrisreikningum sínum í Seðlabankanum í síðasta mánuði. Við þetta minnkað heildargjaldeyrisforði bankans niður í tæplega 533 milljarða króna.

Íbúðalánasjóður veitir brátt óverðtryggð lán

Enn er stefnt á það að Íbúðalánasjóður byrji að veita óverðtryggð húsnæðislán fyrir lok ársins, en undirbúningur vegna þessa hefur staðið yfir undanfarna mánuði. Íbúðalánasjóður hefur til þessa eingöngu veitt verðtryggð lán.

Þurfa að endurgreiða Saga Capital 125 milljónir

Hvarfi eignarhaldsfélagi ehf. var dæmt í morgun í Héraðsdómi Reykjavíkur til að endurgreiða Saga Capital tæplega 125 milljónir króna, sem eru hluti af greiðslu sem Hvarfi hafði innt af hendi vegna sjálfskuldarábyrgðar á efndum sjö lánssamninga.

Arion banki stefnir Boga Pálssyni í Bandaríkjunum

Arion banki hefur stefnt Boga Pálssyni, fjárfesti og fyrrverandi forstjóra Toyota, í Denver í Colorado í Bandaríkjunum. Stefnan er vegna viðskipta með svefnrannsóknarfyrirtækið Flögu Group en bankinn telur Boga hafa blekkt bankann og gerst sekur um fjársvik þegar hann keypti skuldir fyrirtækisins af bankanum með afslætti árið 2011. Frá þessu er greint í DV í dag, þar sem ítarlega er fjallað um viðskiptin með Flögu.

Farþegum Icelandair fjölgaði um 18% milli ára í september

Icelandair flutti 198 þúsund farþega í millilandaflugi í september og voru þeir 18% fleiri en í september á síðasta ári. Sætanýting nam 81,0% samanborið við 78,0% í september 2011. Farþegum fjölgaði mest á N-Atlantshafsmarkaðinum.

Moody´s: ÍLS áfram á neikvæðum horfum

Matsfyrirtækið Moody's heldur lánshæfiseinkunn Íbúðalánasjóðs (ÍLS) óbreyttri í Baa3 og með neikvæðum horfum.

Horfur á annarri fjármálakreppu

Alþjóðagjaldeyrissjóðurinn segir að leiðtogar evruríkjanna verði að bregðast skjótt við skuldavanda Grikklands og Spánar, annars hætti þeir á að önnur fjármálakreppa ríði yfir heiminn. Þetta kemur fram

Almenningur hafnar verðtryggingunni

Nýjar tölur um lán til íbúðakaupa sýna að almenningur hefur hafnað verðtryggingunni nær algjörlega, því langstærstur hluti þeirra er óverðtryggður. Forstjóri Íbúðalánasjóðs segist vonast til þess að sjóðurinn geti byrjað að veita óverðtryggð lán í lok árs.

Skiptar skoðanir um endurreisn Landsbankans

Bjarni Benediktsson spurði Steingrím J. Sigfússon á Alþingi í dag hvort mistök hefðu verið gerð þegar Landsbankinn var endurreistur. Hann hefur miklar áhyggjur af því að bankinn geti ekki staðið við stórar afborganir á komandi árum og óttast jafnvel annað hrun íslensku krónunnar.

Markaðsstjóri Google: Sóknarfæri í auglýsingum á stafrænu formi

Markaðssetning hér á landi ætti að vera í miklu meira mæli á stafrænu formi heldur nú er, segir Gustav Radell, markaðsstjóri Google í Svíþjóð. Um átta prósent af auglýsingafé íslenskra fyrirtækja er eytt í auglýsingar á stafrænu formi.

Bankarnir mega ekki hafa hag af verðbólgu

"Séu þessar tölur hjá Ólafi réttar, þá afhjúpa þær auðvitað eina af þeim ógöngum sem verðtryggingin leiðir til," segir Helgi Hjörvar, formaður efnahags- og viðskiptanefndar Alþingis.

Fara fram á frest á greiðslu sérstaks veiðigjalds

Landssamband íslenskra útvegsmanna hefur farið þess á leit við atvinnuvega- og nýsköpunarráðuneytið að frestur verði veittur á fyrstu greiðslu sérstaks veiðigjalds. Eins og Vísir greindi frá fyrir helgi hefur útgerðum borist álagning veiðigjalda samkvæmt lögum sem samþykkt voru í lok síðasta þings um veiðigjöld. Greiðsluseðillinn er sendur út vegna þess aflamarks sem þegar hefur verið úthlutað fyrir fiskveiðiárið 2012/2013 og krafa gerð um greiðslu ¼ hluta álagningarinnar.

Vaxandi áhyggjur af Íbúðalánasjóði

Fram kemur í Morgunkorni Íslandsbanka að Seðlabanki Íslands hafi vaxandi áhyggjur af stöðu Íbúðalánasjóðs. Bankinn gaf út rit sitt um fjármálastöðugleika á föstudaginn síðastliðinn. Á þeim fjórum mánuðum sem liðnir eru frá síðustu útgáfu hefur myndin lítið breyst samkvæmt morgunkorni Íslandsbanka, en í inngangi Seðlabankastjóra segir m.a. að áhætta fjármálakerfisins hafi nú minnkað samfara efnahagsbata, framgangi endurskipulagningar skulda heimila og fyrirtækja, sterkri eiginfjárstöðu fjármálafyrirtækja og minna misvægi í efnahagsreikningi þeirra.

HB Grandi fær umhverfisverðlaun á Akranesi

Skipulags- og umhverfisnefnd Akraness hefur ákveðið að veita HB Granda umhverfisverðlaun Akraneskaupstaðar 2012 fyrir fallegustu fyrirtækjalóðina í sveitarfélaginu.

Mikil lækkun á raungengi krónunnar

Í september sl. lækkaði raungengi íslensku krónunnar um 4,4% frá fyrri mánuði á mælikvarða hlutfallslegs verðlags. Er þetta í fyrsta sinn síðan í mars sl. að þróunin á raungengi krónunnar er í þessa átt, og hefur svo mikil lækkun raungengis ekki átt sér stað í einum mánuði síðan í apríl árið 2009.

Alþjóðabankinn spáir minni hagvexti í Kína

Alþjóðabankinn hefur endurmetið spá sína fyrir hagvöxt í Kína og gerir nú ráð fyrir minni hagvexti en áður.

Seldum fasteignum fækkaði milli ára í september

Töluvert dró úr fjölda seldra fasteigna á höfuðborgarsvæðinu í september miðað við sama mánuð í fyrra eða um rúmlega 8%.

Launamunur kynjanna 13% á landsvísu

Kynbundinn launamunur félagsmanna BSRB er rúmlega þrettán prósent á landsvísu. Könnun leiddi í ljós að meðal fólks í hundrað prósent starf eru konur að jafnaði með tuttugu og sex prósent lægri uppreiknuð heildarlaun en karlar.

Sérfræðingur WSJ: Google hefur vinninginn í kortunum

Walter S. Mossberg, sérfræðingur Wall Street Journal (WSJ) þegar kemur að tækni og tólum, segir að kortahugbúnaður Google, Google Maps, sé miklu öflugri en hjá öðrum þegar kemur að búnaði á snjallsímum. Sérstaklega segir hann þetta greinilegt á nýjum iphone 5 símunum, þar sem er nýr kortahugbúnaður frá Apple, sem sé ekki næstum jafn góður og Google Maps búnaðurinn.

Merkel valdamest - Hillary Clinton þar á eftir

Kanslari Þýskalands, Angela Merkel, er valdamesta kona heims samkvæmt lista Forbes. Á eftir henni kemur Hillary Clinton, utanríkisráðherra Bandaríkjanna og eiginkona Bill Clinton. Í þriðja sæti er síðan Dilma Rouseff, forseti Brasilíu.

Arfleifð Steve Jobs - Apple stærst allra

Rúmt ár er liðið frá því að Steve Jobs, framkvæmdastjóri og einn af stofnendum Apple, hélt á vit forfeðra sinna. Margir óttuðust að fráfall hans myndi boða endalok þess mikla uppgangstíma sem tæknirisinn hafði gengið í gegnum síðustu ár.

Alls 27.723 viðskipti í Ávöxtunarleiknum

Alls eru 3.156 skráðir til leiks í Ávöxtunarleik Keldunnar. Þeir hafa átt 27.723 viðskipti. Hlutabréfin virðast heilla spilara en mest hefur verið skipt með bréf í Össuri (OSSRu).

Verkfall í verksmiðju Apple

Hátt í fjögur þúsund starfsmenn tævanska raftækjaframleiðandans Foxconn eru nú í verkfalli. Foxconn hefur um árabil framleitt vörur Apple, þar á meðal iPad spjaldtölvuna og iPhone snjallsímana.

Icelandair og Marel lækka í kauphöllinni

Gengi bréfa Icelandair Group lækkaði um 1,41 prósent í dag, í Nasdaq OMX kauphöll Íslands, og er gengi bréfa félagsins nú 7,01. Þá lækkaði gengi bréf Marels um 1,11 prósent og er gengi bréfa félagsins nú 133,5. Gengi bréfa Haga hækkaði um 0,26 prósent og er gengi bréfa félagsins nú 19,2. Þá hækkaði gengi bréfa Bank Nordik 0,72 prósent og er gengi bréfa félagsins nú 69,5.

Atvinnuleysi minnkar - vinnur með Obama

Atvinnuleysi í Bandaríkjunum hefur dregist saman að undanförnu og mælist nú 7,8 prósent, samkvæmt tölum sem birtar voru í morgun. Þetta er í fyrsta skipt í fjögur ár sem atvinnuleysi í Bandaríkjunum mælist minna en átta prósent, og þykja þær benda til þess að efnahagur Bandaríkjanna sé að rétta hraðar úr kútnum en spáð hafði verið.

Icelandic Group kaupir fyrirtæki í Belgíu

Icelandic Group hefur fest kaup á belgíska fiskvinnslufyrirtækinu Gadus. Fyrirtækið sérhæfir sig í vinnslu og sölu á ferskum og kældum sjávarafurðum, einkum laxi og þorski, en um þriðjungur af hráefni félagsins kemur frá Íslandi. Meðal viðskiptavina félagsins eru nokkrar af helstu smásölukeðjum í Belgíu en Gadus er annað stærsta fyrirtækið í sölu á ferskum fiskafurðum í landinu. Ársvelta Gadus nemur um rúmum 11 milljörðum króna. Þetta kemur fram í tilkynningu frá Icelandic Group.

Már: Mjög mikilvægt að endursemja um skuldir Landsbankans

"Þrátt fyrir ýmsa atburði á alþjóðlegum vettvangi er sú mynd sem þar var dregin upp í meginatriðum óbreytt. Áhætta fjármálakerfisins hefur minnkað samfara efnahagsbata, framgangi endurskipulagningar skulda heimila og fyrirtækja, sterkri eiginfjárstöðu fjármálafyrirtækja og minna misvægi í efnahagsreikningum þeirra,“ segir Már Guðmundsson, seðlabankastjóri, í inngangsorðum nýs Fjármálastöðugleika, rits seðlabankans um fjármálastöðugleika.

Sigríður Ben: Jákvætt að fólk hafi val um lánamöguleika

Sigríður Benediktsdóttir, framkvæmdastjóri fjármálastöðugleika Seðlabankans, segir það jákvætt að lántakendur hafi valkost um hvernig íbúðalán það tekur sér. Hins vegar sé ljóst að greiðslubyrði af óverðtryggðum lánum verði hærri hér en í nágrannaríkjum. Ný skýrsla um fjármálastöðugleika var kynnt í morgun.

Ljúffengir vetrardrykkir í skammdeginu

Viðskiptavinir Tes og kaffis geta valið úr fjölda ljúffengra vetrardrykkja í bland við fjölbreyttar veitingar. Keðjan rekur nú níu staði á Íslandi.

Samsung hagnaðist um 912 milljarða á þremur mánuðum

Hugbúnaðar-, fjarskipta og raftækjarisinn Samsung hagnaðist um 7,3 milljarða dala, eða sem nemur ríflega 912 milljörðum króna, á þriðja ársfjórðungi þessa árs. Mestu munar þar um sölu á farsímum en hagnaðurinn jókst um meira en helming frá árinu á undan, að því er segir í frétt breska ríkisútvarpsins BBC.

Spánn þarf ekki utanaðkomandi efnahagsaðstoð

Luis de Guindos, efnahagsráðgjafi Spánar, segir að Spánn þurfi ekki utanaðkomandi efnahagsaðstoð. Þetta sagði hann í ræðu sem hann hélt í London í gær.

Methagnaður hjá Samsung

Forsvarsmenn Samsung Electronics telja að rekstrarhagnaður á þriðja ársfjórðungi hafi tvöfaldast frá sama tíma í fyrra og að um methagnað sé að ræða.

Skipt um dómara í Exeter-máli Styrmis

Rétta þarf upp á nýtt yfir Styrmi Þór Bragasyni í Exeter-máli sérstaks saksóknara eftir að skipt var um dómara. Fyrra dómaratríóið baðst undan verkefninu. Dómaraskiptin ættu ekki að tefja réttarhöldin mikið, að mati saksóknara.

Fjarðarkaup hagnast um 150 milljónir - skuldar ekkert

Aðeins einu sinni í tæplega fjörutíu ára sögu Fjarðarkaupa hefur verið tekið lán, og var því skilað nánast samstundis, þar sem eigendunum leist ekkert á vaxtakostnaðinn. Verslunin var rekin með 150 milljóna króna hagnaði í fyrra, og segja verslunarstjórar lykilinn að góðu gengi vera að halda í einfaldar venjur.

Fimm milljarða munur á vaxtakjörum Íslands og Írlands

Vaxtakostnaður sem safnast á ríkissjóð vegna lána frá Norðurlöndunum fyrir hrunið nemur tæpum átta milljörðum króna á hverju ári. Ef ríkissjóður Íslands fengi lánakjörin sem Norðurlöndin bjóða Írum, væri vaxtakostnaður tæplega fimm milljörðum lægri árlega.

Býst við að kvótinn safnist á enn færri hendur

Útgerðarfyrirtæki fengu sendan til sín fyrsta greiðsluseðilinn vegna sérstaks veiðileyfagjalds núna um mánaðamót. Hann á að greiðast fyrir 15. október. Sama hlutfall er lagt á alla og samkvæmt upplýsingum frá LÍÚ fá skuldsett félög sem ráða ekki við þennan auka skatt engan afslátt, eins og til stóð í upphafi.

Lækkanir áberandi í Kauphöllinni

Nokkur lækkun varð á gengi hlutabréfa í Kauphöll Ísland í dag. Þannig lækkaði gengi hlutabréfa Össurar um 1,5 prósent og er gengi bréfa félagsins nú 197. Þá lækkaði gengi Haga um 1,29 prósent og er gengi bréfa félagsins nú 19,15. Gengi bréfa Marels lækkaði um 0,74 prósent og er gengi bréfa félagsins nú 135. Gengi bréfa Icelandair lækkaði um 0,56 prósent og er gengi bréfa félagsins nú 7,11.

Stóra Orkuveituskýrslan kynnt 10. október

Niðurstöður úr úttekt á rekstri Orkuveitu Reykjavíkur verða kynntar á eigendafundi þann 10. október næstkomandi klukkan þrjú. Í framhaldi af því verður skýrslan kynnt fyrir borgar- og bæjarfulltrúum ásamt stjórn Orkuveitu Reykjavíkur þar sem úttektarnefndin gerir grein fyrir niðurstöðum sínum og skýrslan verður afhent Sama dag og kynningarfundurinn verður haldinn verður boðað til blaðamannafundar þar sem fjölmiðlum gefst kostur á að spyrja nefndarmenn og fulltrúa af eigendafundi út í niðurstöðurnar, eftir því sem fram kemur í yfirlýsingu frá Jóni Gnarr borgarstjóra.

Stýrivextir óbreyttir á evrusvæðinu - Verðbólga yfir markmiði

Stjórn Seðlabanka Evrópu ákvað að halda stýrivöxtum sínum óbreyttum í 0,75 prósent, en tilkynnt var um þetta á vaxtaákvörðunarfundi bankans í dag.

Gylfi: Óttast alvarlegar afleiðingar hárra vaxta

Það verður með öllum ráðum að reyna að lækka vexti og koma þannig betri stoðum undir efnahagslíf landsins, segir Gylfi Arnbjörnsson, forseti Alþýðusambands Íslands. Hann óttast að Seðlabankinn muni hækka vexti á næstunni, og að það muni hafa slæm áhrif fyrir hagkerfið.