Launamunur kynjanna 13% á landsvísu

Kynbundinn launamunur félagsmanna BSRB er rúmlega þrettán prósent á landsvísu. Könnun leiddi í ljós að meðal fólks í hundrað prósent starf eru konur að jafnaði með tuttugu og sex prósent lægri uppreiknuð heildarlaun en karlar.

Kynbundinn launamunur mældist nokkuð misjafn á milli landshluta. Mestur var hann á Vesturlandi, Vestfjörðum og Suðurlandi eða á bilinu 18 komma sex til átján komma átta prósent. Minnstur var launamunurinn á Austurlandi eða tíu prósent.

Könnunin sýnir einnig að konur fá síður hlunnindi og aukagreiðslur en karlar. Þá eru konur einnig ósáttari við laun sín en karlar. Þá sýnir könnunin fram á að álag hefur aukist á meirihluta BSRB en tæp sextíu og þrjú prósent segjast finna fyrir auknu álagi í starf. Þetta álag hefur frekar aukist hjá konum en körlum samkvæmt niðurstöðum könnunarinnar.