Fleiri fréttir

Pétur segir Stím-málið kalla á reglubreytingar

Viðskiptahættir gamla Glitnis voru vægast sagt undarlegir að mati Péturs Blöndal formanns efnhags- og skattanefndar Alþingis. Hann segir Glitni hafa reynt að fegra stöðu sína með því að láta einkahlutafélag sem bankinn átti stóran hlut í kaupa bréf í bankanum.

Árvakur og Nýi Glitnir sammælast um að leita lausna

Samkomulag hefur náðst milli Árakurs og Nýja Glitnis um að vinna að lausn sem tryggi Árvakri rekstrargrundvöll. Gert er ráð fyrir að þeirri vinnu verði lokið fyrir vikulok. Gert er ráð fyrir að lausnin felist í því að núférandi hlutafé félagsins verði fært niður í núll, og félagið endurfjármagnað með nýju hlutafé. Árvakur hefur átt við alvarlegan lausafjárvanda að stríða og skuldir félagsins hækkað verulega með gengisfalli krónunnar.

FME vissi af kaupum Glitnis í Stím

Fjármálaeftirlitinu var tilkynnt um eignarhlut Glitnis í Stím ehf. í nóvember á síðasta ári, en gerði engar athugasemdir við meðferð málsins vegna tilkynningaskyldu til Kauphallar. Þetta kemur fram í tilkynningu frá skilanefnd Gamla Glitnis.

Segir Stím ekkert leynifélag

Jakob Valgeir Flosason, stjórnarformaður eignarhaldsfélagsins Stíms sendi frá sér yfirlýsingu í dag vegna umfjöllunar um félagið og hann. Hann segir félagið ekki leynifélag, og að afar frjálslega hafi verið farið með staðreyndir í umfjöllun um félagið og persónu sína.

Lítil hreyfing á fasteignamarkaði

Þrjátíu og einum kaupsamningi var þinglýst á höfuðborgarsvæðinu í vikunni sem leið samkvæmt tölum fasteignamats ríkisins. Á sama tíma í fyrra voru þeir 173 talsins. Heildarvelta var 984 milljónir króna en í fyrra nam veltan rétt rúmum sex milljörðum. Á Akureyri var 6 kaupsamningum þinglýst í vikunni en í fyrra þeir voru þeir 15. Heildarvelta var 142 milljónir króna og dregst saman um rúmar 250 milljónir milli ára.

OPEC vill hækka verð á olíu

Olíumálaráðherra Saudi-Arabíu sagði í dag að réttlátt verð á olíu sé 75 dollarar fyrir fatið. Verðið í dag er um 54 dollarar.

Höftin lama Kauphöllina

„Gjaldeyrishöftin eru högg fyrir Kauphöllina og stefna hlutabréfamarkaði í tvísýnu,“ segir Þórður Friðjónsson, forstjóri Kauphallar Íslands.

Beðið verður með sölu

"Komi upp aðstæður þar sem sala ákveðinna eigna reynist nauðsynleg verður efnt til formlegs söluferlis,“ segir í svari skilanefndar gamla Glitnis, við fyrirspurn Fréttablaðsins um hvernig staðið verði að sölu eigna bankans.

Síðustu gjaldeyrishöft stóðu í sextíu ár

Gjaldeyrishöft og skilaskylda á erlendum gjaldeyri voru tekin upp í síðustu heimskreppu sem tímabundin ráðstöfun til varnar krónunni og gjaldeyrisstöðu Landsbankans, sem þá var seðlabanki landsins. Höftin voru þó ekki að fullu afnumin fyrr en 60 árum síðar.

Ísland víkur sér undan EES og OECD

Við setningu reglna Seðlabankans um gjaldeyrishöft þurftu stjórnvöld að víkja sér undan tvennum alþjóðlegum skuldbindingum. Annars vegar samningnum um Evrópska efnahagssvæðið (EES) og hins vegar skuldbindandi samþykktum Efnahags- og framfarastofnunarinnar (OECD).

Yfirmenn peningamarkaðssjóða hætta

Landsbankinn hefur fallist á beiðni Stefáns H. Stefánssonar, framkvæmdastjóra eignastýringarsviðs og stjórnarformanns Landsvaka, og Sigurðar Óla Hákonarsonar, framkvæmdastjóra Landsvaka, um að þeir láti af störfum hjá bankanum.

SÍS samþykkir að rannsaka Gift

Aðalfundur SÍS vill að óháðir aðilar kanni hvers vegna Gift tapaði milljörðum króna. SÍS vill líka láta rannsaka lögmæti slita Eignarhaldsfélagsins Samvinnutrygginga.

Opna verslun í kreppunni

„Því er ekki að neita að við stöldruðum aðeins við með þessi áform okkar þegar fjármálakreppan skall á,“ segir Jón Erlendsson, framkvæmdastjóri ZO-ON, í tilkynningu um opnun nýrrar verslunar fyrirtækisins í Kringlunni í dag.

Green græðir milljón pund á Moss

Milljarðamæringurinn Sir Phillip Green græddi rétt um milljón pund eða um 200 milljónir íslenskra króna á því að selja 28 prósenta hlut sinn í Moss Bros aðeins tæpum þremur vikum eftir að hann keypti hlutinn af Baugi.

Hvað eru þessir menn að tala um? - Seðlabankinn varpar ljósi á málið

Seðlabankinn hefur tekið sig til og birt færslu á heimasíðu sinni þar sem farið er yfir þau hugtök sem mest eru í umræðunni þessa dagana og þau útskýrð. Þarna geta allir sem áhuga hafa á því að vita hvað nýjar reglur um gjaldeyrismál þýða í raun og veru og hvaða áhrif þær hafa á fólk.

Atorka: Tap móðurfélags 6,3 milljarðar

Atorka Group hefur birt uppgjör fyrir þriðja ársfjórðung. Ef litið er til móðurfélagsreiknings töpuðust 2,3 milljarðar á fjórðungnum efitr skatta en á fyrstu níu mánuðum ársins nam tapið 6,3 milljörðum. Tap samstæðunnar er mun meira, en á þriðja ársfjórðungi var tapið 2,7 milljarðar eftir skatta og 11,4 milljarðar fyrstu níu mánuðina. Heildareignir móðurfélagsins voru 58,2 milljarðar í lok september og eigið fé 14,6 milljarðar. Eiginfjárhlutfall á sama tíma var 25,1 prósent.

Fyrstu viðbrögð erlendra aðila jákvæð

Beat Siegenthaler sérfræðingur hjá TD Securities í London, en fyrirtækið hefur verið umfangsmikið í viðskiptum við Ísland, er nokkuð jákvæður á aðgerðir Íslendinga er varða lokun á útflæði gjaldeyris. Hann segist búast við því að algjör lokun standi stutt yfir og að á næstu vikum og mánuðum verði krónubréfaeigendum gert kleift að losna úr stöðum sínum. Þetta kemur fram í daglegu fréttabréfi Siegenthalers sem birt er á heimasíðu TD Securities.

Krónubréfaeigendur verða skildir eftir á köldum klaka

Seðlabanki Íslands ætlar að loka á útstreymi gjaldeyris varðandi krónubréf sem koma á gjalddaga á næsta ári. Eigendur bréfanna munu því verða skildir eftir á köldum klaka og óvíst hvenær þeir muni losna úr stöðum sínum.

Rekstur Spalar úr hagnaði í tap

Tap Spalar eftir skatta fyrir síðasta rekstarár sem lauk 30. september 2008 nam kr. 366 milljónum kr. Til samanburðar nam hagnaðurinn á sama tímabili í fyrra 282 milljónum kr..

Raungengi krónunnar fær ekki staðist til lengdar

Eftirfarandi yfirlýsing hefur borist frá Seðlabankanum: „Gengi krónunnar lækkaði skarpt í aðdraganda og kjölfar fjármálakreppunnar í október. Raungengi hennar er nú mun lægra en það hefur áður mælst og fær staðist til lengdar.

Tap SPRON nam 3 milljörðum kr. á þriðja ársfjórðung

Tap SPRON eftir skatta nam 3,1 milljarði kr. á þriðja ársfjórðungi en allar skráðar eignir eru færðar á markaðsvirði. Áframhaldandi neikvæð þróun á hlutabréfamarkaði á þriðja ársfjórðungi olli gengistapi sem nam 3.465 milljónum króna.

Óttaðist að Kaupþing ynni skemmdarverk á Storebrandsölunni

Skilanefnd Kaupþings á Íslandi og skiptastjóri Kaupþings í Noregi eru komin í hár saman vegna sölunnar á 5,5% hlut Kaupþings í Storebrand. Samkvæmt frétt á vefsíðunni E24.no óttast skiptastjórinn að skilanefndin vinni skemmdarverk á sölunni.

Ekki reknir frá Landsbankanum

Atli Atlason framkvæmdarstjóri starfsmannasviðs Landsbankans segir að yfirmenn peningamarkaðssjóða bankans hafi ekki verið reknir. Vísir greindi frá því fyrr í dag að þeim hefði verið sagt upp störfum.

Óheimilt að fjárfesta í öllum erlendum fjármálagerningum

"Fjárfesting í verðbréfum, hlutdeildarskírteinum verðbréfa- og fjárfestingarsjóða, peningamarkaðskjölum eða öðrum framseljanlegum fjármálagerningum með erlendum gjaldeyri er óheimil." Þannig hefst 1, grein nýrra reglna Seðlabankans um gjaldeyrismál.

Verðbólguvæntingar fyrirtækja lækka verulega

Verðbólguvæntingar fyrirtækja hafa lækkað verulega undanfarið samkvæmt könnun Capacent Gallup en niðurstöður hennar voru birtar í Hagvísum Seðlabankans fyrir nóvembermánuð. Könnunin var framkvæmd í september og október.

Yfirmenn peningamarkaðssjóða reknir frá Landsbankanum

Samkvæmt heimildum Vísis voru þeir Stefán Héðinn Stefánsson og Sigurður Óli Hákonarson látnir fara frá Landsbankanum í gær. Stefán hefur verið stjórnarformaður og Sigurður Óli framkvæmdarstjóri Landsvaka sem rekur peningamarkaðssjóðina.

Landic semur við borgaryfirvöld í Árósum um Lighthouse

Landic Property átti fund með borgaryfirvöldum í Árósum í morgun um Lighthouse verkefnið á hafnarsvæði borgarinnar. Páll Benediktsson fjölmiðlafulltrúi Landic segir að fundurinn hafi verið mjög jákvæður og von sé á fréttatilkynningu frá borgarstjórn um málið síðar í dag.

Áliðnaðurinn orðin stærsta einstaka útflutningsgreinin

Áliðnaðurinn hefur nú fest sig í sessi sem stærsta einstaka útflutningsgrein Íslendinga, mælt í útflutningstekjum, en tekjur af álútflutningi hafa verið meiri en tekjur af sjávarútvegi samfleytt síðan í maí.

Dauður morgun í kauphöllinni

Aðeins ein viðskipti hafa orðið við opnun markaðarins í kauphöllinni í morgun. Century Aluminium hefur hækkað um 0,9% í rúmlega 3 milljóna kr. viðskiptum.

Seðlabankinn afnemur hömlur á útflæði gjaldeyris

Tilmæli Seðlabanka Íslands frá því snemma í október um tímbundna temprun á útflæði gjaldeyris eru afturkölluð. Þau voru kynnt til sögunnar eftir að þrír bankar komust í þrot og mikla markaðsröskun sem því fylgdi.

Vöruskipti hagstæð um 11 milljarða í október

Í októbermánuði voru fluttar út vörur fyrir 47,2 milljarða króna og inn fyrir 36,3 milljarða króna. Vöruskiptin í október voru því hagstæð um 10,9 milljarða króna. Í október 2007 voru vöruskiptin óhagstæð um 15,0 milljarða króna.

Iceland hefur áhuga á hluta af verslunum Woolworths

Kapphlaup er nú í gangi um að selja rúmlega 800 verslanir Woolworths keðjunnar í Bretlandi þar sem stór húsaleigureikningur er framundan fyrir jólin. Þetta kemur fram í Financial Times. Meðal áhugasamra kaupenda er lágvöruverslanakeðjan Iceland sem er að hluta til í eigu Baugs.

Ekkert verður af sölunni á Storebrand

Viðskipti með hlutabréf í Storebrand eru komin í gang aftur á markaðinum í Osló. Hinsvegar verður ekkert af sölunni á 5,5% hlut Kaupþings í Storebrand eins og til stóð.

Tilboð í JJB Sports sagt vera í burðarliðnum

JD Sports Fashion hefur gefið í skyn að tilboð í JJB Sports sé í burðarliðnum. Exista á stóran hlut í JJB Sports en verð á hlutabréfum í félaginu hafa hrapað frá því á síðasta ári er hluturinn var keyptur.

Sjá næstu 50 fréttir

Mest lesið