Fleiri leiðir kunna að vera til

„Í tillögum mínum er ekki gert ráð fyrir aðstoð sjóðsins. Fyrstu tveir liðirnir eru beinlínis í andstöðu við þær ráðstafanir sem þegar hafa verið kynntar á grundvelli áætlunar sjóðsins," segir Lilja Mósesdóttir hagfræðingur. Hún hefur lagt til áætlun í sjö liðum, meðal annars til að vekja athygli á því að Alþjóðagjaldeyrissjóðurinn leiði Íslendinga til að fara aðrar leiðir til að kljást við alþjóðlegu fjármálakreppuna en mörg önnur ríki geri, til að mynda Bandaríkjamenn og margar Evrópuþjóðir.

Fjalla um fallið áður en yfir fennir

„Þetta verður stutt en snörp bók um mestu efnahagsumbrot í sögu lýðveldisins,“ segir Guðni Th. Jóhannesson sagnfræðingur, en hann vinnur nú að bók um sögu bankahrunsins. „Það hefur verið gríðarleg umræða um hrun bankanna í fjölmiðlum, og það hefur verið mjög erfitt fyrir fólk að fylgjast með hvað er að gerast og hafa yfirsýn yfir umræðuna og atburðarásina,“ segir Guðni.

Fyrirtæki horfa til hjáleiðar með krónur

„Við tökum gjaldeyri heim í gegnum Seðlabankann en erum í helvítis vandræðum. Þetta hefur þó aðeins verið að koma inn síðustu tvo daga,“ segir Ólafur Rögnvaldsson, framkvæmdastjóri Hraðfrystihúss Hellissands.

Í daglegri skoðun

Svo gæti verið að viðskipti hefjist á allra næstu dögum, jafnvel í dag, með hlutabréf Existu, Spron og Straums, ef marka má þann orðróm sem barst víða um bankaheiminn í gær.

Afleit staða Giftar

Óvíst er að eignir fjárfestingafélagsins Giftar dugi fyrir skuldum. Samkvæmt skýrslu stjórnar Giftar 15. júní í fyrra, námu heildarskuldir og skuldbindingar félagsins ríflega 30 milljörðum króna. Þá námu eignirnar tæpum 60 milljörðum.

Einfaldur meirihluti dugir

Tuttugu og fjórir fulltrúar sitja í stjórn Alþjóðagjaldeyrissjóðsins IMF). Þeir eru ýmist fulltrúar einstakra ríkja eða hópa ríkja. Atkvæði hvers um sig hefur mismikið vægi. Bandaríkjamenn ráða langmestu um afdrif umsókna, en í tilviki Íslands ræður einfaldur meirihluti hvort umsókn verður samþykkt eða felld.

Fær 1,9 milljónir kr. á mánuði fyrir stjórnarsetu

Ólafur Ólafsson stjórnarformaður Alfesca mun fá ágæt laun fyrir setu sína sem stjórnarformaður næsta árið eða sem nemur 1,9 milljón kr. á mánuði. Er þá miðað við opinbert gengi Seðlabankans á evrunni.

Sumitomo Mitsui í mál við bæði Kaupþing og Glitni

Sumitomo Mitsui, þriðji stærsti banki Japans, hefur höfðað mál gegn bæði Kaupþingi og Glitni fyrir dómstól í London. Málshöfðunin er vegna lánaveitinga sem Sumitomo stóð að til Kaupþings og Glitnis ásamt öðrum bönkum í Japan, Ástralíu og á Nýja Sjálandi.

LSR tapar 30 milljörðum kr. beint vegna fjármálakreppunnar

Lífeyrissjóður starfsmanna ríkisins (LSR) hefur ekki farið varhluta af fjármálakreppunni fremur en aðrir lífeyrissjóðir landsins. Haukur Hafsteinsson framkvæmdastjóri telur að beint tap LSR vegna hruns bankanna sé rúmlega 30 milljarðar kr. eða um 10% af eignum sjóðsins.

Össur einn á uppleið í Kauphöllinni

Gengi bréfa í stoðtækjaframleiðandanum Össur hækkaði um 0,91 prósent í dag. Þetta er eina hækkunin dagsins.

SPRON borgar út úr Peningamarkaðssjóði

SPRON hefur lokið við yfirferð og útreikninga á eignum Peningamarkaðssjóðsins. Útgreiðsluhlutfall sjóðsins er 85,52% og miðast við lokagengi þann þriðja október að því er segir í tilkynningu frá sparisjóðnum. Um heildargreiðslu er að ræða og verður greitt úr sjóðnum þann 17. nóvember 2008.

Iceland Express semur við stúdenta

Gengið hefur verið frá samkomulagi milli Iceland Express og Stúdentafélags Háskólans í Reykjavík, um að Stúdentafélagið fái hér eftir hluta af þeim tekjum, sem verða til vegna sölu á farmiðum til námsmanna við skólann.

Tölvupóstur um Icesave-útborgun endar sem ruslpóstur

Síur fyrir ruslpóst (spam) á netinu valda því að tölvupóstar frá breskum fjármálayfirvöldum um útborganir á Icesave-reikningum í Bretlandi berast ekki til viðtakenda.

Vodafone á Íslandi hlýtur alþjóðleg verðlaun

Íslenska símafyrirtækið Vodafone er meðal tólf evrópskra fyrirtækja sem hljóta verðlaun á Convergence-ráðstefnu Microsoft sem haldin verður í Kaupmannahöfn í næstu viku.

Heimsmarkaðsverð á olíu fellur í 60 dollara

Heimsmarkaðsverð á olíu á mörkuðum í Bandaríkjunum fór niður í 60 dollara á tunnuna í dag. Ástæðan er að vonir manna hafa dvínað um að risavaxin innspýting Kínverja í efnahagslíf sitt muni draga úr kreppunni.

Danske Bank nefndur sem kaupandi að Carnegie

Danske Bank hefur verið nefndur sem hugsanlegur kaupandi Carnegie fjárfestingabankans. Sænska ríkið vill losa sig við Carnegie hið fyrsta en bankinn var þjóðnýttur í gær, mánudag.

Segja að salan á Sterling sé að komast í höfn

Skiptastjórar þrotabús Sterling flugfélagsins segja að salan á félaginu sé að komast í höfn. Samhliða kemur fram að um 400 af 1.100 starfsmönnum Sterling muni líklega halda vinnu sinni.

Skortur á fiskkörum ógnar útgerð dagróðrabáta

Á Bolungarvík hafa menn nú af því miklar áhyggjur að verða uppiskroppa með fiskikör. Raunar er ástandið svo alvarlegt að menn óttast að komast ekki á sjó á morgun.

Lífeyrissjóðirnir standa sterkt þrátt fyrir áföll að undanförnu

Þrátt fyrir að tap flestra lífeyrissjóðanna af verðbréfum banka og fjárfestingarfélaga verði verulegt mun íslenska kerfið væntanlega enn verða eitt þeirra öflugustu á heimsvísu.

Porsche-stjórinn með 12 milljarða kr. í árslaun

Wendelin Wiedeking forstjóri Porsche bílaverksmiðjanna mun þéna árslaun upp á 12 milljarða kr. í ár. Þessi laun koma í kjölfar velheppnaðrar hlutafjáraukingar Porsche í VW sem setti marga vogunarsjóði svo gott sem á hausinn.

Ísland verður aðili að kolefnismarkaði ESB

Íslandi verður aðili að kolefnismarkaði Evrópusambandsins í "náinni framtíð" að því er segir í frétt á Bloomberg-fréttaveitunni. Þetta hefur Bloomberg eftir Þórunni Sveinbjarnardóttur umhverfisráðherra.

Bakkavör lækkar um tæpt prósent

Gengi hlutabréfa í Bakkavör hefur lækkað um 0,95 prósent í fyrstu viðskiptum dagsins í Kauphöllinni. Gengi bréfa í fyrirtækinu stendur nú í 4,17 krónum á hlut og hefur aldrei verið lægra.

Tap Milestone á falli Carnegie rúmlega 2 milljarðar kr.

Móðurfélagið á bakvið Carnegie bankann verður leyst upp í framhaldi af því að sænska ríkið hefur yfirtekið bankann. Líklegt tap Milestone á falli Carnegie er rúmlega 2 milljarðar kr. þar sem hlutabréfin í bankanum eru nú talin verðlaus.

Vændiskonur í Frankfurt fitna í kreppunni

Þótt fjármálakreppan hafi leikið Frankfurt, helstu fjármálamiðstöð Þýskalands, grátt er mikil uppsveifla þar í gangi meðal vændiskvenna borgarinnar. Þær hafa aldrei haft meir að gera en þessa dagana við að "hugga" stressaða verðbréfamiðlara.

Risavaxinn afgangur á vöruskiptum Kínverja

Risavaxinn afgangur er á vöruskiptum Kínverja og það veldur áhyggjum um að kínverska efnahagsvélin sé að hægja verulega á sér.

Evrópskir markaðir opna í mínus

Hlutabréfamarkaðir í Evrópu hafa opnað í mínus í morgun. Einna mest lækka hlutabréf á Norðurlöndunum. Þannig hefur C20-vísitalan í Kaupmannahöfn lækkað um 3,2% á fyrsta klukkutímanum.

Norðurlönd skortir upplýsingar fyrir láni sínu til Íslands

Talsmaður finnska fjármálaráðuneytisins segir að Norðurlöndin skorti upplýsingar frá íslenskum stjórnvöldum fyrir láni sínu til Íslands. Fyrr en þær upplýsingar liggi fyrir mun lánið ekki verða afgreitt.

Lækkun í Asíu - ótíðindi á Wall Street

Hlutabréf á Asíumörkuðum tóku snarpa dýfu við opnun markaða í morgun en náðu að rétta sig nokkuð af yfir daginn.

Breskir ellilífeyrisþegar gætu misst fasteignir vegna Landsbankans

Hátt í sex hundruð breskir ellilífeyrisþegar eiga á hættu að missa fasteignir sínar á Spáni í hendur þrotabús Landsbankans í Luxemborg.

Fjárfestar áhyggjufullir í Bandaríkjunum

Gengi hlutabréfa lækkaði á bandarískum hlutabréfamörkuðum í dag eftir nokkuð jákvæða byrjun. Fjármálaskýrendur eru nokkuð sammála um að mikil hækkun á hlutabréfaverði í Asíu og í Evrópu í dag í kjölfar efnahagsaðgerða kínverskra stjórnvalda hafi hleypt mönnum kapp í kinn fyrstu metrana. Þegar á leið og uppgjör bandarískra stórfyrirtækja tók að skila sér í hús gerðust þeir hins vegar á ný uggandi um horfurnar í þarlendu efnahagslífi til skamms tíma litið.

Össur hækkaði mest í Kauphöllinni

Gengi hlutabréfa í stoðtækjafyrirtækinu toppaði daginn með hækkun upp á 6,24 prósent í Kauphöllinni. Á eftir fylgdi Century Aluminum, móðurfélag álversins á Grundartanga, sem hækkaði um 2,58 prósent, og Marel Food Systems, sem hækkaði um 1,44 prósent.

Segja yfirtöku á Carnegie ekki hafa áhrif á sjóði bankans

VBS fjárfestingarbanki hefur sent frá sér yfirlýsingu þar sem fullyrt er að yfirtaka sænskra stjórnvalda á Carnegie-fjárfestingarbankanum í dag hafi hvorki áhrif á dagleg viðskipti með hlutdeildarskírteini Carnegie sjóðanna né verðmæti þeirra.

McDonalds þrífst vel í kreppunni

Hamborgarastaðir McDonalds um allan heim þrífast vel í kreppunni. Samkvæmt upplýsingum frá McDonalds Corp. jókst salan hjá þeim um 8,2% á heimsvísu.

Sænski seðlabankinn hafnaði beiðni SÍ um gjaldmiðlaskipti

Sænski seðlabankinn hafnaði nýlega beiðni Seðlabanka Íslands (SÍ) um að draga á gjaldmiðlaskiptalínu þá sem norrænu seðlabankarnir samþykktu í vor. SÍ hefur þegar dregið 200 milljónir evra frá norska seðlabankanum og sömu upphæð hjá danska seðlabankanum.

Soffía Lárusdóttir segir sig úr varastjórn Teymis

Stjórn Teymis hf. hefur borist tilkynning frá Soffíu Lárusdóttur, varamanni í stjórn félagsins, þess efnis að hún segi sig úr varastjórn félagsins.

Carnegie missir bankaleyfið

Fjármálaeftirlit Svíþjóðar hefur ákveðið að afturkalla bankaleyfi Carnegie fjárfestingarbankans. Þetta var kynnt á blaðamannafundi fyrir stundu. Sem kunnugt er af fréttum á Milestone, félag Karls Wernerssonar og fjölskyldu, 10 prósent í Carnegie í gegnum Moderna Finance.

Um 4.000 fá endurgreidda farmiða hjá Sterling

Um 4.000 manns, þarf af um 1.000 Danir, munu fá endurgreidda farmiða sína hjá Sterling flugfélaginu. Fólk þetta hafði greitt farmiða sína með alþjóðlegum greiðslukortum áður en Sterling varð gjaldþrota.

Búðaþjófnaður eykst í Bretlandi - mest stolið af lærum hjá Iceland

Búðaþjónfaður hefur færst mjög í aukanna í Bretlandi á undanförnum mánuðum. Tilvikum hefur fjölgað um þriðjung það sem af er árinu. Vinsælast er að stela lambalærum í verslunarkeðjunni Iceland sem er að hluta til í eigu Baugs.

Lífeyrissjóðirnir tapa tugum milljarða króna á bankabréfum

Allt útlit er fyrir að lífeyrissjóðirnir muni tapa tugum milljarða króna á eign sinni í skuldabréfum banka og sparisjóða hér á landi. Áður en bankakerfið hrundi lágu lífeyrissjóðirnir með 80-90 milljarða króna í þessum skuldabréfum í eignasöfnum sínum.

Tíðni makaskiptasamninga í fasteignaviðskiptum stóreykst

Tíðni makaskiptasamninga í fasteignaviðskiptum hefur stóraukist undanfarna mánuði samkvæmt gögnum frá Fasteignamati ríkisins. Með makaskiptasamningi er átt við kaupsamning þar sem hluti kaupverðs er greiddur með annarri fasteign.

Samþykktu að selja allt stofnfé SPM til Nýja Kaupþings

Sveitarstjórn Borgarbyggðar samþykkti samhljóða á fundi sínum á föstudaginn var að taka tilboði frá Nýja Kaupþingi í allt stofnfé Sparisjóðs Mýrasýslu. Kaupin eru gerð með fyrirvara um samþykki stjórnar Nýja Kaupþings.

Ísland er ekki á dagkrá IMF þessa vikuna

Samkvæmt heimasíðu Alþjóðagjaldeyrissjóðsins (IMF) er Ísland ekki á dagkrá þar á bæ þessa vikuna. Hins vegar mun stjórn IMF ræða málefni Al Salvador, Líbanons, Seychelles-eyja og Armeníu í vikunni.

Viðskiptablaðið segir öllum upp og óskar eftir greiðslustöðvun

Vegna viðvarandi rekstrarerfiðleika hafa eigendur Viðskiptablaðsins afráðið að draga saman útgáfu blaðsins og einskorða hana hér eftir við eitt tölublað í viku. Jafnframt hefur útgáfufélag blaðsins, Framtíðarsýn hf. óskað eftir greiðslustöðvun og öllum starfsmönnum félagsins hefur verið sagt upp.

Össur hækkar einn í Kauphöllinni

Gengi hlutabréfa í stoðtækjafyrirtækinu Össuri hefur hækkað um 0,97 prósent í sex viðskiptum upp á 38 milljónir króna í Kauphöllinni í dag. Þetta er eina hreyfingin á íslenskum hlutabréfamarkaði frá því viðskipti hófust fyrir tæpum tuttugu mínútum.

Evrópskir markaðir smitast af uppsveiflu í Asíu

Hlutabréfamarkaðir víða um heim tóku vel við sér í kjölfar ákvörðunar kínverskra stjórnvalda að setja jafnvirði 586 milljarða Bandaríkjadala inn í hagkerfið til að sporna við áhrifum fjármálakreppunnar næst tvö ár. Dominique Strauss-Kahn, framkvæmdastjóri Alþjóðagjaldeyrissjóðsins, og fleiri telja aðgerðirnar geta haft jákvæð áhrif víða um heim.