Lífgar upp Laugaveginn

"Þetta er dönsk keðja og við erum sjötta verslunin sem opnar í heiminum. Við sáum þessa verslun í Danmörku og kolféllum fyrir henni. Við ákváðum að opna hana hér því okkur fannst vanta svona verslun og svo er verðið mjög sanngjarnt," segir Kamilla Sveinsdóttir en hún rekur verslunina ásamt stöllu sinni, Þórdísi Lárusdóttur.

Dýrt lostæti rotnar

Endalok jarðsvepps sem keyptur var fyrir rúmar þrjár milljónir króna urðu þau að rotna í breskum ískáp. Nokkrir velstæðir viðskiptavinir veitingastaðarins Zafferano í London höfðu keypt lostætið frá Tuscany en vegna mikils áhuga á jarðsveppnum, var hann hafður til sýnis, nokkrum dögum of lengi. 

Bush úr öpum

List eða áróður er spurningin og forsvarsmenn listasafns í New York borg voru ekki lengi að komast að niðurstöðu. Í Chelsea market var opnuð sýning listamannsins Christopher Savido þar sem meðal annars gat að líta andlitsmynd af Bush Bandaríkjaforseta.

Fitna eftir giftingu

Karlmönnum sem kvænast í annað sinn hættir til að breytast í kyrrsetumenn um leið og hjónabandið hefst og fara að bæta á sig kílóum.

Þórunn opnar fataskápinn

Ég fylgist ekki það vel með tískunni að ég liggi yfir tískublöðum en maður reynir að hanga inni," segir Þórunn Lárusdóttir söng- og leikkona.

Birna Anna býður í heimsókn

Uppáhaldsstaðurinn í húsinu er lítið skot við hornglugga í eldhúsinu. Ég skrifaði bókina mína þarna og því má segja að þetta horn sé vinnustaðurinn minn en svo finnst mér líka bara gott að vera þarna, lesa og dunda mér í tölvunni. Þar af leiðandi eyði ég talsvert miklum tíma þarna á hverjum degi." Tímaritið <strong>Magasín</strong> fylgir DV á fimmtudögum.

Nýr kjóll á hverjum jólum

"Ég er algjör kjólafrík, ég held að það sé minn helsti veikleiki," segir Elín María Björnsdóttir sjónvarpskona. "Ég lét náttúrulega ekki duga að kaupa mér einn jólakjól heldur keypti mér tvo."

Stóð upp úr hjólastólnum

Elísabet Reynisdóttir var nýbúin að eignast sitt annað barn þegar hún fór að finna fyrir undalegum veikindum sem komu í kjölfar kvefpestar. Smám saman ágerðust einkennin og hún missti allan mátt í líkamanum. Tímaritið <strong>Magasín</strong> fylgir DV á fimmtudögum.

Hafa safnað 340 þúsund

Um 400 tombólukrakkar Rauða krossins hafa á safnað samtals 340.000 krónum á árinu, til að "hjálpa börnum í útlöndum," eins og þau segja gjarna þegar þau koma til Rauða krossins að skila fénu. Nú, fjórða árið í röð, ætla Leikskólar Reykjavíkur að láta 300.000 krónur sem annars hefðu farið í jólakort renna til sama málefnis.

Ákærður fyrir að bíta hund

Maður í Florida hefur verið ákærður fyrir að bíta terrier-hund sinn í refsingarskyni. Maðurinn hafði þann hátinn á að bíta hundinn þegar hann var óþekkur, þar sem hann taldi það vera tjáningarmáta sem hundurinn myndi skilja, þar eð hundar notuðu slíka aðferð sjálfir.

Hættulegt að líkjast Bin Laden

Osama Bin Laden á ekki von á góðu ef hann leggur leið sína til Kosta Ríka. Í gær skaut þarlendur leigubílstjóri mann sem gekk með grímu sem líktist andliti Bin Ladens. Hinn grímklæddi hafði gert sér það að leik að stökkva fyrir bíla með leikfangabyssu í hönd og Bin Laden grímu á höfðinu.

Baráttan um bóksöluna

Sú var tíðin að bækur voru seldar í bókabúðum og ekki annars staðar. Hin seinni ár hafa stórmarkaðir selt bækur og höggvið skarð í sérhæfðu bóksalanna sem um leið hefur fækkað. Nokkrir þrauka en mislíkar ástandið. Stórmarkaðirnir eru vændir um græðgi og sameining Pennans og Máls og menningar er gagnrýnd. </font /></b />

Óskiljanleg græðgi

"Þetta er erfið samkeppni og mér finnst afar ósanngjarnt þegar stórmarkaðirnir koma inn á markaðinn og selja bækur í þrjár vikur. Þetta er þvílík græðgi að maður varla skilur það," segir Guðjón Smári Agnarsson bóksali í Bókabúð Lárusar Blöndal. </font /></b />

Get ekki boðið sama verð

Stefán Jónasson hefur staðið vaktina í um fjörutíu ár í Bókabúð Jónasar í göngugötunni á Akureyri. Margt hefur breyst í bóksölunni á þeim árum, bókabúðum í miðbænum hefur snarfækkað og bóksala stórmarkaðanna fyrir jólin fest sig í sessi. </font /></b />

Love enn í basli

Leik- og söngkonan Courtney Love, á ekki sjö dagana sæla um þessar mundir. Hún mætti fyrir rétt í Los Angeles, vegna ákæru fyrir vörslu fíkniefna í vikunni, en þessi fertuga ekkja Nirvana-söngvarans Kurt Cobain, þurfti að fresta tónleikaferðalagi vegna ákærunnar. Fyrr á árinu var hún dæmd í átján mánaða meðferð.

Kjöt fylgdi bókunum

"Það varð allt vitlaust. Morguninn eftir að Stöð 2 sagði frá þessu í fréttum fylltist búðin og hún var troðfull af fólki frá morgni til kvölds alveg fram að jólum," segir Guðbjörg Jakobsdóttir, sem rak Bókabúð Árbæjar. Henni blöskraði bóksala stórmarkaðanna og hóf að selja kjöt með bókunum fyrir jólin 1994.

Fullkomnasta vélmenni sögunnar?

Hann getur hlaupið, spjallað og heilsað, og hann er afburðagreindur. Eitt fullkomnasta vélmenni sem hefur verið framleitt er komið fram á sjónarsviðið. Markmið Honda er að búa til vélmenni sem getur leyst verkafólk af hólmi.

Tónlistarjól

Sala á hljómplötum hefur aukist um tæp 30 prósent frá því á síðasta ári, eftir því sem kemur fram í tilkynningu frá Félagi hljómplötuútgefenda.

12. menningarhátíð Svissins

Menningarhátíð bílaverkstæðisins Svissins í Kópavogi var haldin í 12. sinn í dag. Að venju var boðið upp á fjölbreytta dagskrá, en hátíðin er orðin fastur liður fyrir hver jól á verkstæðinu. KK sá um tónlistina en skáldin Einar Már, Einar Kára, Stefán Máni og Sigmundur Ernir lásu upp úr verkum sínum. Var gerður góður rómur að hátíðinni.

Sýningarskálinn opnaður 2006

Sýningarskáli vegna fornminja við Aðalstræti 16 í Reykjavík verður opnaður almenningi vorið 2006. Í skálanum verður saga landnáms sögð og margmiðlunartækni notuð til að koma túlkunum fræðimanna á framfæri.

Loftbrú sem oft riðaði til falls

Núverandi og nokkrir fyrrverandi samgönguráðherrar veittu í gær viðtöku nýrri bók eftir Helgu Guðrúnu Johnson og Sigurveigu Jónsdóttur. Bókin heitir "Á flugi: Áfangar í sögu Flugleiða" og spannar að sögn Guðjóns Arngrímssonar, upplýsingafulltrúa fyrirtækisins, 30 ára sögu Flugleiða og lýsir aðdragandanum að stofnun félagsins.

Samkomuhúsið fær nýjan ljósabúnað

Verið er að ljúka við að setja upp nýjan ljósabúnað í Samkomuhúsinu á Akureyri þar sem Leikfélag Akureyrar er með aðstöðu. Að sögn Magnúsar Geirs Þórðarsonar leikhússtjóra er um að ræða viðbót við eldri ljósabúnað en með tilkomu nýju ljósanna verði lýsingin í húsinu eins og best verði á kosið.

Miltisbrandur á Reykjanesi

Í síðustu viku voru brennd á Reykjanesi hræ fjögurra hrossa sem höfðu greinst með miltisbrand. Upptökin eru ókunn og litlar líkur taldar á að þau finnist. Dagbjartur Einarsson, útgerðarmaður í Grindavík, segist ekki óttast þennan vágest.

Díoxín skaðlegt en ekki banvænt

Díoxín komst í fréttirnar eftir að austurrískir læknar staðfestu að það hefði verið notað til að eitra fyrir úkraínska stjórnarandstöðuleiðtoganum Viktor Júsjenkó. Það olli því að andlit hans breyttist svo mjög að það varð í raun óþekkjanlegt; grátt, guggið og fullt af útbrotum.

Mikilvægt að ráðast að rótunum

Fjölmargir bankastarfsmenn hafa orðið fyrir áreiti og nærri tíundi hver hefur orðið fyrir einelti í starfi. Ný reglugerð skyldar vinnuveitendur til að uppræta einelti á vinnustað.

Útskrifaðist frá lögregluskóla FBI

Fyrsta íslenska lögreglukonan, Berglind Kristinsdóttir, útskrifaðist frá lögregluháskóla bandarísku alríkislögreglunnar, FBI, síðastliðinn föstudag. Berglind, sem er lögreglufulltrúi hjá ríkislögreglustjóra, var í hópi 249 nemenda sem útskrifuðust, þar af voru 18 konur.

Ný sinfóníuhljómsveit stofnuð

Aðstandendur tónleika með Placido Domingo, sem haldnir verða í Egilshöll í mars, eru að stofna heila sinfóníuhljómsveit til undirleiks við söngvarann. Alfreð Alfreðssson, sem vinnur að undirbúningi, segir að það gangi ótrúlega vel að ná saman góðum hljóðfæraleikurum.

Með ísbjörn í fiskbúðinni

"Þetta er fyrst og fremst gert til að draga að athygli. Fiskikóngurinn verður alltaf að vera með kónginn," segir Kristján Berg, fisksali sem hefur komið uppstoppuðum ísbirni fyrir í búðarglugga í Fiskbúðinni Vör.

Þegar Davíð keypti ölið

"Mér fannst það fáranlegt að það væri hægt að mismuna fólki á þennan hátt og það fauk bara í mig," segir Davíð Scheving Thorsteinsson um það þegar hann reyndi að taka með sér bjór til landsins á þessum degi fyrir 25 árum síðan.

Skrifum orðin eins og þau eru sögð

"Ætli þetta sé ekki gert til að spara tíma," segir Eygló Ásta Þorgeirsdóttir, nemandi í Langholtsskóla, en hún hefur talsverð samskipti við vini og kunningja í gegnum sms. Þar grípur hún til alls kyns styttinga og skammstafana til að koma sem mestu fyrir á sem skemmstum tíma.

Óttast ekki þróunina

"Auðvitað sést þetta annað slagið en ég verð þó ekki mikið vör þetta," svarar Inga Rósa Þórðardóttir, kennari í Foldaskóla, spurð hvort sms- og msn-málið rati inn í skólaverkefnin.

Asinn styttir orðin

Brynja Baldursdóttir, kennari í Hagaskóla, kannast vel við hina nýju íslensku stafsetningu og segir hana birtast í skólastarfinu. "Þetta kemur fram í verkefnum hjá krökkunum, ýmis orð hafa fengið nýjan rithátt."

Óperusýning í grunnskólum

Yngstu bekkir grunnskólar á höfuðborgarsvæðinu hafa síðustu daga skemmt sér vel yfir nemendaóperu Söngskólans í Reykjavík.

Einn sendibílsfarmur seldur

Stóru tónlistarútgáfunum datt ekki til hugar að gefa út hljómdisk með íslenskri reggítónlist fyrir jólin og höfnuðu tilboði um slíkt, enda galin hugmynd. Að minnsta kosti einn lítill sendibílsfarmur af slíkum diski hefur engu að síður selst.

Páll sæmdur heiðursmerki

Páll Pétursson, fyrrum félagsmálaráðherra, var sæmdur æðstu viðurkenningu Rauða kross Íslands, heiðursmerki úr gulli, á 80 ára afmæli félagsins. Það var forseti Íslands sem sæmdi Pál viðurkenningunni.

IMG og SÍMEY í samstarf

IMG á Akureyri og SÍMEY hafa gert með sér þjónustusamning en í honum felst að tveir starfsmenn IMG munu sinna viðskiptavinum SÍMEY vegna þjónustu sem ber heitið Markviss.

Ólæti og umgengni ógna tjaldsvæði

Háttsemi bæjargesta á Akureyri um verslunarmannahelgina í sumar gæti orðið til þess að tjaldsvæðinu við Sundlaug Akureyrar verði lokað. </font /></b />

Skúlptúrar og málverk

Blómaverslunin Holtablóm skipti um eigendur fyrir ári og nýi eigandinn, Inga María Sverrisdóttir listakona, hefur í rólegheitum unnið að breytingum í rekstrinum. Verslunin verður þó áfram með blóm og gjafavörur á boðstólum en Inga María, 

Dreki, Jaki og Bessi

Erla Sólveig Óskarsdóttir er ein af okkar fremstu húsgagnahönnuðum. Hún hefur selt hönnun sína víða um heim. Erla Sólveig hefur fengist við ýmsa ólíka hönnun en eflaust eru stólarnir hennar hvað þekktastir enda hafa þeir hvarvetna vakið verðskuldaða athygli og selst mjög vel.

The Aviator með 6 tilnefningar

Bandaríska kvikmyndin<em> The Aviator</em>, sem fjallar um flughetjuna Howard Hughes og skartar stórstjörnum á borð við Lenardo di Caprio og Jude Law, er meðal þeirra mynda sem hljóta flestar tilnefningar til Golden Globe verðlaunanna en tilkynnt var um tilnefningarnar í dag.

Ísland í brennidepli í vestanhafs

Þrír bandarískir fjölmiðlar beina kastljósinu að Íslandi þessa dagana en skemmst er að minnast „The Amazing Race“ þáttaraðarinnar þar sem Ísland kemur við sögu. Á vef ferðamálaráðs Íslands er greint frá því að næstkomandi laugardag verði þáttur ABC-stöðvarinnar, „Good Morning America“, helgaður jólum um víða veröld og þar fái íslensku jólasveinarnir sitt pláss.

Baróninn haldinn norðurhjaradellu

Franskur barón kom til Íslands árið 1898 til þess að auðgast. Hann var haldinn norðurhjaradellu og taldi landið tilvalið til þess að hefja nýtt líf. En háleitir draumar hans og íslenskur veruleiki áttu ekki samleið, eins og fram kemur í heimildaskáldsögunni <em>Baróninn</em> eftir Þórarin Eldjárn.

Fingraför á klámblaði

Fingraför poppkongsíns Michael Jackson og drengsins sem hann er ákærður fyrir að hafa misnotað, hafa fundist á klámblöðum sem fundust í hýbílum Jackson í Neverland. Búast má við því að blöðin verði notuð sem sönnunargögn í réttarhöldum yfir Jackson, sem hefjast 31. janúar næstkomandi.

Þakklát fyrir bróður minn

Jóhann Ingvarsson, vinnumaður á Geiteyjarströnd, er að jafna sig eftir fallið með rollunum niður í haughúsið á Víðihlíð. "Ég er þakklát fyrir að bróðir minn er á lífi í dag," segir Lára, systir hans og húsfreyja á Geiteyjarströnd </font /></b />

Friðriksmótið í dag

Friðriksmótið, skákmót til heiðurs Friðriki Ólafssyni fór fram í dag. Friðrik, sem er fyrsti stórmeistari Íslands, tefldi upphafsskák mótsins við Lenku Patsnikóvu, fyrsta kvennastórmeistara landsins. Lenka gerði sér lítið fyrir og sigraði Friðrik í æsispennandi skák. Allir helstu skákmenn þjóðarinnar tóku þátt í mótinu.