Hafa safnað 340 þúsund

Um 400 tombólukrakkar Rauða krossins hafa á safnað samtals 340.000 krónum á árinu, til að "hjálpa börnum í útlöndum," eins og þau segja gjarna þegar þau koma til Rauða krossins að skila fénu. Nú, fjórða árið í röð, ætla Leikskólar Reykjavíkur að láta 300.000 krónur sem annars hefðu farið í jólakort renna til sama málefnis. Peningarnir verða notaðir til að aðstoða heyrnardauf börn í skóla Rauða hálfmánans í Palestínu. 85 nemendur á aldrinum 5 til 16 ára eru í skólanum og þörf er á að bæta aðstöðu og tækjabúnað til að gefa börnunum sem mesta möguleika.