Ondo fær leikheimild með Grindavík 15. júlí

Sóknarmaðurinn Gilles Mbang Ondo frá Gabon mun fá leikheimild með Grindavík þann 15. júlí. Ondo kom til liðsins fyrir tímabilið en fékk ekki félagaskipti samþykkt frá sínu fyrra félagi.

Leikur Fylkis og Grindavíkur á óvenjulegum tíma

Leikur Fylkis og Grindavíkur í Landsbankadeild karla í kvöld verður á óvenjulegum leiktíma. Leikurinn hefst klukkan 21:00 í Árbænum en það er vegna undanúrslita Evrópumótsins í fótbolta.

Chelsea vantar skemmtikrafta

Sparkspekingurinn Jamie Redknapp segir að Chelsea þurfi á leikmönnum eins og Deco eða Kaka að halda til að auka skemmtanagildi sitt.

Adebayor nálgast AC Milan

Fjölmiðlar á Ítalíu halda því fram að AC Milan sé komið nálægt því að krækja í sóknarmanninn Emmanuel Adebayor frá Arsenal. Það muni aðeins þremur milljónum punda.

Sneijder: Ég fer ekki til United

Wesley Sneijder hefur neitað þeim orðrómi að hann gæti farið til Manchester United. Sneijder segir að hann verði áfram hjá Real Madrid á næsta tímabili.

FH vann Val með sigurmarki í uppbótartíma

Það var mikil dramatík í leik Vals og FH í Landsbankadeildinni í kvöld. Aðeins eitt mark var skorað og það gerði Arnar Gunnlaugsson úr vítaspyrnu sem dæmd var í viðbótartíma.

Heimir: Héldum Val í skefjum

„Það er auðvitað alveg frábært að ná að klára þetta. Við spiluðum kannski ekkert rosalega vel en náðum með sterkum varnarleik að halda þeim í skefjum," sagði Heimir Guðjónsson, þjálfari FH, eftir sigurinn gegn Val í kvöld.

Þrettán útispilarar til taks hjá Tyrkjum á morgun

Þýskaland og Tyrkland mætast í undanúrslitum Evrópumótsins á morgun. Aðeins þrettán útispilarar í tyrkneska hópnum eru til í slaginn fyrir leikinn.

Barry Smith byrjar hjá Val

Varnarmaðurinn Barry Smith er í byrjunarliði Vals sem tekur á móti FH í stórleik í Landsbankadeildinni í kvöld. Þetta er fyrsti leikur Barry Smith í sumar en hann hefur verið meiddur.

Prince í tveggja leikja bann

Aga- og úrskurðarnefnd fundaði í dag og voru fimm leikmenn í Landsbankadeildinni dæmdir í bann. Þar á meðal Pince Rajcomar, sóknarmaður Breiðabliks, sem fékk tveggja leikja bann.

Liverpool neitaði tilboði í Crouch

BBC greinir frá því að Liverpool hafi neitað tilboði frá Portsmouth í sóknarmanninn Peter Crouch. Tilboðið mun hafa hljóðað upp á níu um milljónir punda.

Vinna hafin við nýja Anfield

Vinna við nýjan heimavöll Liverpool er farin í gang. Völlurinn verður reistur í Stanley Park og mun hann rúma 60 þúsund manns í sæti með góðum möguleika á stækkun um 13 þúsund sæti til viðbótar.

Þróttur fær lánaðan sóknarmann frá Herfölge

Þróttur hefur bætt við sig sóknarmanni fyrir baráttuna framundan í Landsbankadeildinni. Liðið hefur náð samkomulagi um að fá Jesper Sneholm lánaðan frá Herfölge.

Roberto Donadoni rekinn

Ítalska knattspyrnusambandið hefur rekið Roberto Donadoni en Ítalía féll úr keppni í átta liða úrslitum Evrópumótsins sem nú stendur yfir. Donadoni tók við þjálfun Ítalíu sumarið 2006.

Fyrsta verkefni Ince að halda helstu mönnum

Paul Ince segir að hans fyrsta verkefni sem knattspyrnustjóri Blackburn verði að reyna að halda bestu leikmönnum liðsins. Hann ætlar að reyna að sannfæra David Bentley og Roque Santa Cruz um að vera áfram.

Willum: Sigur í kvöld er miði fyrir okkur inn í mótið

Það verður sannkallaður stórleikur í Landsbankadeild karla í kvöld þegar Valur tekur á móti FH. Leikurinn hefst klukkan 20:00 en með sigri geta FH-ingar komist í efsta sæti.

Sigurður Jónsson í 10 bestu í kvöld

Sigurður Jónsson verður til umfjöllunar í þættinum 10 bestu á Stöð 2 Sport 2 í kvöld. Í þáttunum er fjallað um tíu bestu knattspyrnumenn Íslands.

Snúa Nesta og Totti aftur ef Lippi tekur við Ítalíu?

Sögusagnir eru í gangi um að Francesco Totti og Alessandro Nesta ætli að taka landsliðsskóna úr hillunni ef Marcello Lippi tekur aftur við ítalska landsliðinu. Ítalskir fjölmiðlar halda því fram að Lippi sé að snúa aftur í stólinn.

Tottenham í markvarðarleit

Juande Ramos, knattspyrnustjóri Tottenham, virðist hafa misst alla trú á Paul Robinson markverði liðsins. Hann leitar nú logandi ljósi að nýjum markverði.

Benayoun vill ekki fara

Yossi Benayoun vill vera áfram hjá Liverpool en hann hefur verið orðaður við Portsmouth. Harry Redknapp hefur viðurkennt áhuga sinn á að fá leikmanninn en þá er einnig talið að Manchester City sé að skoða málin.

Koller til Rússlands

Tékkneski risinn Jan Koller skrifaði í gær undir samning við liðið Krylya Sovetov Samara í Rússlandi. Eftir að Tékkar féllu úr leik á Evrópumótinu lagði Koller landsliðsskóna á hilluna eftir 90 landsleiki og 55 mörk.

Þjálfari Austurríkis hættir

Josef Hickersberger hefur sagt af sér sem þjálfari Austurríkis. Austurríki er annar gestgjafa Evrópumótsins en liðið hlaut eitt stig í riðlakeppninni og skoraði eitt mark, það kom úr vítaspyrnu.

Fjölnir vann í Keflavík

Fjórir leikir voru í Landsbankadeild karla í kvöld. Athyglisverðustu úrslitin urðu í Keflavík þar sem heimamenn biðu lægri hlut.

Grétar Hjartarson í Grindavík

Vefsíðan Fótbolti.net greinir frá því að sóknarmaðurinn Grétar Ólafur Hjartarson sé genginn í raðir Grindavíkur. Grétar varð markakóngur í Landsbankadeildinni þegar hann lék með Grindavík en fór í KR haustið 2004.

Nasri kominn til Arsenal

Á heimasíðu Arsenal er staðfest að félagið hafi gengið frá samningum við miðjumanninn Samir Nasri frá Marseille.

Byrjar og endar Evrópumótið

Ítalski dómarinn Roberto Rosetti fær þann heiður að flauta Evrópumótið á og einnig af. Hann dæmdi opnunarleik mótsins og nú hefur hann verið valinn til að dæma sjálfan úrslitaleikinn á sunnudag.

Zidane heldur að Real Madrid fái Ronaldo

Zinedine Zidane telur að Real Madrid muni á endanum krækja í Cristiano Ronaldo, vængmann Manchester United. Spænska stórliðið hefur ekki farið leynt með gríðarlegan áhuga sinn á leikmanninum.

Atli Sveinn: Þurfum að eiga okkar allra besta leik

Áttunda umferð Landsbankadeildar karla verður leikin í vikunni. Fjórir leikir fara fram í kvöld og einn verður á morgun en það er stórleikur Vals og FH á Vodafone-vellinum.

Markmannsþjálfari Hauka leikur gegn þeim í bikarnum

HK-ingar munu mæta Haukum á gervigrasvellinum á Ásvöllum í sextán liða úrslitum VISA-bikarsins en dregið var í hádeginu í dag. Gunnleifur Gunnleifsson, markvörður og fyrirliði HK, er markmannsþjálfari Hauka.

Drátturinn í sextán liða úrslit

Búið er að draga í sextán liða úrslit VISA-bikarsins en það var gert í herbúðum KSÍ á Laugardalsvellinum í hádeginu. Þrír úrvalsdeildarslagir verða á dagskránni.

Ince veitt undanþága

Samtök knattspyrnustjóra á Englandi hafa veitt Paul Ince undanþágu svo hann geti tekið við Blackburn. Ince er ekki með UEFA-Pro réttindi eins og krafist er í ensku úrvalsdeildinni.

Óvissa um framtíð Donadoni

Ítalska knattspyrnusambandið hefur enn ekki tekið ákvörðun um framtíð Roberto Donadoni landsliðsþjálfara. Talið var að Donadoni yrði látinn taka pokann sinn ef ítalska liðið næði ekki að komast í undanúrslit EM.

Wenger hrifinn af Rússlandi

Arsene Wenger, stjóri Arsenal, er staddur á Evrópumótinu og fylgist grannt með gangi mála. Hann segir að rússneska landsliðið hafi komið sér skemmtilega á óvart og er heillaður af spilamennsku liðsins.

Arshavin vill spila á Spáni

Rússneski leikmaðurinn Andrei Arshavin segist hafa tilboð frá liðum í Englandi og Þýskalandi en hann vilji sjálfur helst fara í spænska boltann.

Boltavaktin á tánum í kvöld

Að sjálfsögðu verður fylgst með öllum fjórum leikjum kvöldsins í Landsbankadeild karla á Boltavakt Vísis og Fréttablaðsins. Þrír leikir hefjast klukkan 19:15 og einn er 20:00.

Bölvun 22. júní létt og heimsmeistararnir úr leik

Spánverjar eru komnir áfram í undanúrslit EM 2008 eftir sigur á heimsmeisturum Ítala í vítaspyrnukeppni eftir markalausan og bragðdaufan leik.

Gæti sett markvörð í sóknina

Fatih Terim, landsliðsþjálfari Tyrkja, íhugar nú að nota markvörð í annað hvort vörn eða sókn þar sem níu menn geta ekki spilað með liðinu í undanúrslitunum gegn Þýskalandi vegna meiðsla eða leikbanns.

Öll liðin úr dauðariðlinum úr leik

Nú er ljóst að öll liðin úr dauðariðliðinum svokallaða - C-riðli á EM 2008 - eru úr leik á mótinu.

Stórsigur KA á Leikni

KA vann í dag 6-0 stórsigur á Leikni frá Reykjavík á sama tíma og þrír aðrir leikir fóru fram í 1. deild karla.

Löw hugsaði um að hætta

Joachim Löw íhugaði að hætta þjálfun þýska landsliðsins eftir að liðið tapaði fyrir Króatíu í riðlakeppninni.

Fyrsta tap Eyjamanna

Tveim leikjum er lokið í 1. deild karla í dag. ÍBV tapaði sínum fyrsta leik og sínum fyrstu stigum er þeir töpuðu fyrir Haukum á útivelli, 2-0.

Nihat úr leik

Tyrkir hafa orðið fyrir miklu áfalli þar sem sóknarmaðurinn Nihat Kahveci verður ekki meira með á EM 2008 vegna meiðsla.

Paul Ince ráðinn stjóri Blackburn

Eins og greint var frá fyrr í vikunni er Paul Ince nýr knattspyrnustjóri Blacbkurn. Félagið staðfesti ráðninguna í dag.

Rússneskt kraftaverk

Guus Hiddink, landsliðsþjálfari Rússa, sagði eftir sigur sinna manna á Hollandi í gær að hann hefði verið kraftaverki líkastur.

Myndasyrpa: Innköstin hennar Ástu

Ásta Árnadóttir kom vel flestum áhorfendum á Laugardalsvellinum í gær í opna skjöldu er hún tók svokölluð flikk-flakk innköst með miklum glæsibrag.